पुणे|ता. ९ मे २०२४
लोकसभेच्या निवडणुकीनंतर अनेक प्रादेशिक पक्ष काँग्रेसमध्ये विलीन होतील, या शरद पवार यांच्या विधानावर राजकीय वर्तुळात जोरदार चर्चा रंगल्या आहेत. यावरुनच अजित पवार यांनी पुन्हा एकदा शरद पवार यांच्यावर निशाणा साधला असून पवारसाहेब असं स्टेटमेंट करतात की लोकांनी डोक खाजवलं पाहिजे, असा टोला लगावला आहे.
काय म्हणाले अजित पवार?
"पवार साहेब असे स्टेटमेंट करतात की लोकांमध्ये संभ्रम झाला पाहिजे. लोकांनी डोक खाजवायला सुरूवात केली पाहिजे. हा कोणता नवा डाव टाकला? म्हटलं पाहिजे. अजून अनेक टप्प्यातील मतदान व्हायचं आहे. बारामतीचे मतदान झाले आणि दुस-याच दिवशी काँग्रेससोबत जाण्याबाबत शक्यता असल्याचे विधान केले. मात्र आधी सोनिया गांधी परकीय असल्याची भूमिका घेत काँग्रेसपासून लांब गेले. आता त्यांना काँग्रेस का चांगली वाटायला लागली, हे कळायला मार्ग नाही.." असे अजित पवार म्हणाले.
"उद्धव ठाकरेही सोबत येतील असेही त्यांनी सांगितले. मात्र अडीच वर्ष मी उद्धवजींसोबत उद्धव ठाकरे त्यांचा पक्ष काँग्रेसमध्ये विलीन करणार नाहीत. त्यांची भूमिका वेगळी आहे. कोणी समजून सांगितले तरी ते ऐकणार नाहीत. मी त्यांच्यासोबत काम केले असल्याने त्यांचा स्वभाव जवळून पाहण्याची संधी मिळाली. आमच्यात वाद वगैरे नव्हता," असेही अजित पवार यावेळी म्हणाले.
तसेच "शरद पवार म्हणाले माझ्या सहकार्यांना विचारणार. मात्र ते सहकाऱ्यांना विचारत नाहीत. मात्र ते असं काही सांगतात की सहकारी हो म्हणतात. मात्र काँग्रेससोबत जाण्याची त्यांची काय रणनिती आहे, हे कळायला मार्ग नाही," असा टोलाही अजित पवार यांनी लगावला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
