Lok Sabha Election 5th Phase:
>> संजय गडदे, मुंबई प्रतिनिधी
देशात आणि राज्यात लोकसभा निवडणुकीच्या पाचव्या टप्प्यासाठी सोमवरी म्हणजेच 20 मे रोजी मतदान प्रक्रिया पार पडणार आहे. सोमवारी राज्यातील लोकसभेच्या 13 जागांसाठी मतदान प्रक्रिया पार पडणार आहे. यामध्ये मुंबईच्या 6 जागांचा समावेश आहे.
मुंबई उत्तर, मुंबई उत्तर-पश्चिम, मुंबई उत्तर-पूर्व, मुंबई उत्तर-मध्य, मुंबई दक्षिण-मध्य, मुंबई दक्षिण, धुळे, दिंडोरी, नाशिक, पालघर, भिवंडी, कल्याण, ठाणे.
दरम्यान, सोमवारी पार पडणाऱ्या मतदान प्रक्रियेसाठी मुंबई पोलीसही सज्ज झाले आहेत. मतदानादिवशी शहरात पोलिसांचा कडेकोट बंदोबस्त असणार आहे.
दरम्यान, सोमवारी पार पडणाऱ्या मतदान प्रक्रियेसाठी मुंबई पोलीसही सज्ज झाले आहेत. मतदानादिवशी शहरात पोलिसांचा कडेकोट बंदोबस्त असणार आहे. यासाठी ५ अपर पोलीस आयुक्त, २५ पोलीस उप आयुक्त, ७७ सहायक पोलीस आयुक्त यांच्यासह २४७५ पोलीस अधिकारी व २२१०० पोलीस अंमलदार व ०३ दंगल काबु पथक (RCP) बंदोबस्तकामी तैनात असतील.
यासोबतच अतिरिक्त मदतीकरीता १७० पोलीस अधिकारी व ५३६० पोलीस अंमलदार व ६२०० होमगार्ड असे मनुष्यबळ तैनात असणार आहे. महत्वाच्या ठिकाणी ३६ केंद्रिय सुरक्षा दले (CAPF / SAP) यांची नेमणूक करण्यात आली आहे.
मतदानादरम्यान एकूण २७५२ पोलीस अधिकारी, २७४६० पोलीस अंमलदार, ६२०० होमगार्ड, ०३ दंगल काबु पथक (RCP), ३६ केंद्रिय सुरक्षा दले (CAPF / SAP) निवडणुक बंदोबस्तकामी तैनात असतील. यातच १६ मेपासून मुक्त आणि निष्पक्ष निवडणूक पार पाडण्याकरीता एकूण ८०८८ लोकांवर प्रतिबंधक कारवाई करण्यात आली आहे. लोकसभा निवडणूकीच्या अनुषंगाने फौ.दं.प्र.सं. कलम १४४ अन्वये दि. १५/०५/२०२४ रोजी मुंबई पोलिसांकडून आदेश प्रसारीत करण्यात आले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.