![Loksabha Election: 'जुमलेबाज सरकार हद्दपार, देशात इंडिया आघाडीचे सरकार', काँग्रेस नेत्याला विश्वास; पंतप्रधान कोण? नावही सांगितलं](http://media.assettype.com/saamtv%2F2023-08%2Fd8b79f86-8a1c-4476-abf4-d4b90110c40d%2FMaharashtra_Politics.jpg?w=480&auto=format%2Ccompress&fit=max)
पराग ढोबळे, नागपूर|ता. १ जून २०२४
देशामध्ये इंडिया आघाडीचे सरकार येणार असून महाराष्ट्रात इंडिया आघाडी ३५ पेक्षा जास्त जागा जिंकेल, असा विश्वास विरोधी पक्षनेते विजय वडेट्टीवार यांनी व्यक्त केला. तसेच इंडिया आघाडीच्या सरकारमध्ये पंतप्रधान कोण असेल? यावरुनही त्यांनी महत्वाचे विधान केले. नागपुरमध्ये ते माध्यमांशी बोलत होते.
काय म्हणाले विजय वडेट्टीवार?
"एक्झिट पोलमध्ये काहीही येऊ दे. देशात इंडिया आघाडीचे सरकार येणार. जुमलेबाज सरकार हद्दपार होणार आहे. बदलांच वारे वाहिल्याने आघाडीला 350 पेक्षा जास्त जागा मिळतील, असा विश्वास विजय वडेट्टीवार यांनी व्यक्त केला. तसेच एक्झिट पोलला जायचे नाही म्हणजे पराभव स्विकारला असे नाही, आमचे निकालावर लक्ष असेल," असेही ते यावेळी म्हणाले.
"इंडिया आघाडीची मोट बांधून आम्ही लढलो. इंडिया आघाडीचा पंतप्रधान होणार आणि तो पंतप्रधान कोण व्हावा तर माझा नेता व्हावा राहुल गांधी व्हावे असे मला वाटतं.इंडिया आघाडीत जी काही चर्चा होईल. त्या चर्चेमध्ये जे नाव पुढे येईल तो इंडिया आघाडीचा पंतप्रधान पदाचा उमेदवार असेल," असे विजय वडेट्टीवार म्हणाले.
"महाराष्ट्रात भाजपचा सुपडा साफ होईल. यात रत्नागिरी आणि सिंधुदुर्ग सुद्धा आहे. कितीही पैसे लावले असले तरी भाजप निवडून येणार नाही. भाजपच्या विरोधात लोकांनी मतदान केले असून महाराष्ट्रात भाजपपेक्षा पेक्षा जास्त जागा इंडिया आघाडी जिंकेल, असे म्हणत इंडिया आघाडीचाच पंतप्रधान होईल ही काळा दगडावरची पांढरी रेख आहे भाजप सत्तेतून बाहेर गेलेला दिसेल, असा टोलाही विजय वडेट्टीवार यानी लगावला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.