Madha Loksabha: माढ्यातून विरोध कराल तर बारामतीत... पवारांच्या खेळीने महायुतीत मिठाचा खडा; निंबाळकर तातडीने फडणवीसांच्या भेटीला

Madha Loksabha News:

माढ्यामध्ये अकलूजचे विजयसिंह मोहिते पाटील यांच्या कुटुंबाने भाजपविरोधात अखेर बंड करण्याचा निर्णय घेतला आहे. विजयसिंह मोहिते पाटील यांच्याबरोबर फलटणचे रामराजे नाईक निंबाळकरही रणजितसिंह निंबाळकरांच्या विरोधात काम करणार असल्याचे बोलले जात आहे. शरद पवारांच्या या खेळीने भाजपच्या गोटात हालचाली वाढल्या असून माढ्याचे उमेदवार रणजितसिंह नाईक निंबाळकर, माण- खटावचे आमदार जयकुमार गोरे आणि दौंडचे आमदार राहुल कूल हे देवेंद्र फडणवीस यांच्या भेटीसाठी तातडीने नागपूरला रवाना झाले हेत.

माढा लोकसभा मतदार संघात रामराजे नाईक निंबाळकर यांनी रणजितसिंह नाईक निंबाळकर यांचे काम न करण्याची भूमिका घेतली आहे. एकीकडे मोहिते पाटील यांच्या कुटुंबातील विरोधानंतर फलटणमध्येही रणजितसिंह निंबाळकर यांच्या अडचणी वाढण्याची चिन्हे दिसत आहेत. त्यामुळे रणजितसिंह नाईक निंबाळकर, आमदार जयकुमार गोरे, राहुल कूल हे खास विमानाने नागपूरकडे रवाना झाले आहेत.

नागपूरमध्ये ते देवेंद्र फडणवीस (Devendra Fadanvis) यांची भेट घेवुन माढ्याच्या विषयावर चर्चा करुन १६ तारखेला फाॅर्म भरण्याची वेळही घेणार आहेत करणार आहे. त्याचबरोबर रामराजे नाईक निंबाळकर यांनी रणजितसिंह निंबाळकरांविरोधी भूमिका घेतल्याने राष्ट्रवादीकडून युतीधर्म पाळला जात नसल्याबद्दल तक्रारही करणार आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

माढ्यामध्ये रामराजे नाईक निंबाळकर (Ramraje Naik Nimbalkar) विरोधात काम करणार असतील तर दौंडमधून बारामतीला मदत नाही, अशी आक्रमक भूमिकाही भाजप आमदार राहुल कुल यांनी घेतल्याची माहिती आहे. त्यामुळे देवेंद्र फडणवीस यांच्यासोबत बैठकीत काय चर्चा होणार? निंबाळकराचे बंड शमणार का? हे पाहणे महत्वाचे ठरणार आहे. (Maharashtra Loksabha Election 2024)