Lok Sabha Election 2024 : महाराष्ट्रात दुसऱ्या टप्प्यात ५९.६३ टक्के मतदान; या जिल्ह्यात झालं सर्वाधिक मतदान

महाराष्ट्रातील लोकसभा निवडणुकीच्या दुसऱ्या टप्प्यातील आठ जागांवर सायंकाळी ६ वाजता मतदान संपलं. या आठ जागांवर निवडणूक लढवणाऱ्या एकूण 204 उमेदवारांचे भवितव्य ईव्हीएममध्ये बंद झालं आहे. 4 जूनला निकाल लागणार आहे. दरम्यान लोकसभा निवडणुकीच्या दुसऱ्या टप्प्यातील आठ मतदारसंघात सायंकाळी ५ वाजेपर्यंत ५९.६३ टक्के मतदानाची नोंद झाली आहे.

लोकसभा मतदारसंघनिहाय टक्केवारी

बुलढाणा - ५८.४५ टक्के

अकोला - ५८.०९ टक्के

अमरावती - ६०.७४ टक्के

वर्धा - ६२.६५ टक्के

यवतमाळ - वाशिम - ५७.०० टक्के.

हिंगोली - ६०.७९ टक्के

नांदेड - ५९.५७ टक्के

परभणी - ६०.०९ टक्के

परभणी लोकसभा मतदारसंघात अंदाजे एकुण 60.09 टक्के मतदान

परभणी लोकसभा सार्वत्रिक निवडणुकीसाठी दूसऱ्या टप्प्यात परभणी लोकसभा मतदार संघासाठी आज रोजी मतदान शांततेत व सुरळीत पार पडले. परभणी लोकसभा मतदार संघात अंदाजे सरासरी एकूण अंदाजे 60.09 टक्के मतदान झाल्याची माहिती जिल्हा निवडणूक निर्णय अधिकारी रघुनाथ गावडे यांनी दिली.परभणी लोकसभा सार्वत्रिक निवडणूकीसाठी मतदार संघातील सहा विधानसभा मतदार संघातील 2 हजार 290 मतदान केंद्रातून मतदान प्रक्रिया शांततेत पार पडली.