Yoga For Joint Pain : हिवाळ्यात वाढतोय सांधेदुखीचा त्रास, दररोज ही योगासने नियमित करा

Yoga Tip :

हिवाळा सुरू होताच वातावरणात धुक्याची चादर पसरते. अशातच या थंडित सगळेचजण आजाराला बळी पडतात. सर्दी-खोकला, ताप यांसारख्या सामान्य आजारांपासून डायबटीज, ब्लड प्रेशर आणि संधिवाताचा त्रास जास्त उद्भवतो. थंडी (Cold) वाढली की जूने सांधेदूखीची कारणेही समोर येतात. आणि या समस्येमुळे अंगदुखी वाढते.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सांधेदुखीच्या बाबतीत, सांध्यामध्ये तीव्र वेदना होतात. थंडीच्या दिवसात हा त्रास आणखी वाढतो. विशेषत: तुमचे वय किंवा वजन जास्त असल्यास, तुमची हाडे कमकुवत होतात आणि वेदनांची समस्या वाढते. जर तुम्हाला हिवाळ्यात सांध्यांच्या या समस्येपासून मुक्ती मिळवायची असेल, तर दररोज विशिष्ट प्रकारची योगासने करणे खूप फायदेशीर (Benefits) ठरू शकते.

वृक्षासन

• सरळ उभे रहा. तुमचा उजवा पाय डावीकडे वळवा आणि डाव्या मांडीच्या वर ठेवा.

• आता श्वास घेताना आपले दोन्ही हात वर करा आणि दोन्ही तळवे डोक्याच्या वरच्या बाजूला जोडून नमस्ते स्थिती करा.

• हळूहळू श्वास सोडताना हात खाली न्या. आता गुडघ्यापासून पाय काढा आणि खाली ठेवा.

पश्चिमोत्तासन

• हा योग करण्यासाठी पाठ सरळ आणि पाय पुढे करून बसा.

• आता हात वर करा आणि एकत्र श्वास घ्या.

• श्वास सोडताना हळू हळू पुढे वाकवा.

• मान खाली वाकवून पायांना स्पर्श करण्याचा प्रयत्न करा. नंतर सामान्य स्थितीत परत या.

त्रिकोनासन

• तुमचे दोन्ही पाय लांब पसरवा आणि सरळ उभे रहा.

• हळूहळू श्वास घ्या आणि श्वास सोडताना शरीर उजवीकडे वाकवा. आता तुमचा डावा हात वर करा आणि सरळ करा.

• तुमचा उजवा हात तुमच्या गुडघ्यावर किंवा जमिनीवर ठेवा, यामुळे उभे राहण्यास मदत होईल.

• काही वेळानंतर, सामान्य स्थितीत परत या. नंतर हा योग दुसऱ्या बाजूला पुन्हा करा.

चक्रवाकसन

• तुमच्या गुडघ्यावर बसा, नंतर तुमचे हात पुढे करा आणि मग तुमचा पाठीचा कणा वाकवून सरळ करा.

• हात आणि गुडघे जमिनीवर ठेवा. हळू श्वास घ्या आणि गायीच्या स्थितीत या.

• नंतर एक श्वास घ्या आणि ही क्रिया पुन्हा करा.