International Yoga Day : योग इन्व्हेस्टमेंट म्हणजे काय? समजून घेऊयात!, PHOTO

- सुवर्णा धानोरकर, ( M.A. योगशास्त्र, विद्यार्थिनी)

योग हा व्यायाम नव्हे संस्कार आहे. ज्यातून आपण मन आणि शरीर संस्कारित करत असतो.

नियमित योगसाधनेनं तुमच्यातलं माणूसपण उजळून निघतं. विविध आसन प्रकार, प्राणायाम यातून श्वासावर नियंत्रण मिळवत जाणं म्हणजे शरीराची, मनाची आंतरिक शुद्धी!

मनाच्या शुद्धीनं जग सुंदर दिसायला लागतं. आपण क्षमाशील होतो. भावनांवर ताबा मिळवता येतं.

योगसाधना करणं म्हणजे स्वतःचं भविष्य उज्जवल करणं. पैसे इन्व्हेस्ट करतो त्याचप्रमाणे मुलांच्या आरोग्यासाठी योग इन्व्हेस्टमेंट करूया.

पण या इन्व्हेस्टमेंटसाठी आधी आपण योगाकडे वळायला हवं. आपल्याला पाहून मुलंही योगाकडे वळतील.

चला आजच्या दिवशी एक संकल्प सोडूया आपण आपल्यासाठी योग इन्व्हेस्टमेंट करूया, म्हणजेच योगसाधना करूया म्हणजे त्याचे संस्कार पुढच्या पिढीवर होतील.

मुनी पतंजली योगसाधनेचा मोठा ठेवा आपल्यासाठी ठेऊन गेलेत. त्याची पुढच्या पिढ्यांसाठी इन्व्हेस्टमेंट करूया.