अन्नपदार्थात हळद अधिक प्रमाणात पडल्यास काय कराल ?

मुंबई : हळद आरोग्यासाठी (Health) फायदेशीर आहे. त्यातील प्रतिजैविक गुणधर्म आपल्या शरीराची प्रतिकारशक्ती वाढवतात. हळदीत अनेक एंटीऑक्सीडेंट गुणधर्म आहेत. आयुर्वेदातही हळदीला विशेष महत्त्व प्राप्त झाले आहे. (Kitchen tips and tricks in Marathi)

हे देखील पहा-

स्वयंपाक (Kitchen) करताना बरेचदा आपल्या हातून काही पदार्थ (Food) अनवधाने जास्त पडले जातात. काहीवेळी पदार्थाची चव टिकवण्यासाठी आपण अनेक मसाले कमी जास्त टाकतो. परंतु काही पदार्थ चुकून जास्त पडले तर ते चव खराब करते. दही, पिठाच्या गोळ्यांनी मीठ आणि मिरचीसारख्या घटकांचा समतोल राखता येतो, पण जर हळद जास्त पडली तर तो पदार्थ कडवट बनतो. त्याच्या चवीमुळे जेवणात वास येऊ लागतो आणि तो पदार्थ अजिबात खाल्ले जात नाही. हळद जास्त पडल्यास आपण काय करायला हवे हे पाहूया.

या पदार्थाचा वापर करा-

१. आपल्या जेवणात हळद जास्त झाली असेल व त्याची चवही कडू लागत असेल तर त्यात नारळाचे दूध घालून थोडा वेळ शिजवा. यामुळे आपल्या डिशला अनोखी आणि स्वादिष्ट चव तर येईल तसेच हळदीचा कडूपणाही दूर होईल.

२. वाढलेल्या हळदीची चव कमी करण्यासाठी आपण आमचूर पावडर किंवा आवळा पावडर देखील घालू शकतो. याशिवाय चिंचेची पेस्ट किंवा त्याची पावडरही वापरता येईल.

३. ग्रेव्ही बनवताना हळद जास्त पडली असेल, तर त्यातील भाजी वेगळी करून त्यात पाणी, मीठ आणि दही घालून ग्रेव्ही शिजवून घ्या. यामुळे हळदीचा कडूपणाही काही प्रमाणात कमी होऊ शकतो.

४. आपल्या जेवणात हळद आणि मीठ दोन्ही जास्त झाले असेल तर आपण कच्च्या बटाट्याचे तुकडे करुन ते ग्रेव्हीमध्ये ठेवा. मंद आचेवर ५ मिनिटे शिजवा. बटाटा हळद आणि मीठ शोषून घेईल आणि कडूपणाही निघून जाईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre