तुळशी माळ ही केवळ एक सामान्य माळ नाहीये. ती श्रद्धा, पवित्रता आणि आध्यात्मिक शांतीशी संबंधित असते. भारतीय संस्कृतीत तुळशीला माता मानण्यात येतं. ही माळ घालणं हे देवाच्या भक्तीचे प्रतीक मानलं जातं. बरेच लोक तुळशी माळ घालतात परंतु त्यांना त्याचे योग्य नियम, परिधान करण्याची पद्धत याची पूर्ण माहिती नसते.
कधीकधी ती चुकीच्या पद्धतीने धारण केल्याने असे प्रश्न निर्माण होतात की त्याचे विपरीत परिणाम आपल्याला भोगावे लागतात. म्हणून तुळशी माळ घालण्यापूर्वी सोप्या भाषेत नियम समजून घेणं महत्वाचं आहे जेणेकरून भक्तीसोबतच योग्य पद्धतीचा वापर होतो. तुळशी माळ घालण्याचा उद्देश केवळ धार्मिक नाही तर तो मानसिक शांती आणि आत्म शिस्तीशी देखील जोडला गेला आहे.
परंपरा आणि शास्त्रांमध्ये तुळशी माळ घालताना काही नियम पाळण्याचं सांगण्यात आलं आहे. हे नियम एखाद्याचे विचार, वर्तन आणि दैनंदिन दिनचर्या शुद्ध करतात असं मानण्यात येतं. पहिला नियम म्हणजे शुद्धता. तुळशीचे मणी नेहमी स्वच्छ शरीराने परिधा करावी. सकाळी स्नान केल्यानंतर माळ घालणं सर्वोत्तम मानले जातं. ही माळ फॅशन किंवा दिखाव्यासाठी घालू नये. माळ घालताना भक्ती आणि आदर वाटला पाहिजे.
गुरुवारच्या दिवशी ही तुळशीची माळ परिधान करणं शुभ मानलं जातं. शिवाय, तो एकादशी, पौर्णिमा किंवा कोणत्याही शुभ तिथीलाही वापरा येते. बरेच लोक ती दररोज घालतात तर काही लोक फक्त विशेष विधींमध्ये घालतात. जर तुम्ही पहिल्यांदाच तुळशीची माळ घालत असाल तर सकाळी मंदिरात किंवा पूजास्थळी बसून देवाचं स्मरण परिधान करणं चांगलं आहे. यामुळे मनाला सकारात्मक ऊर्जा मिळते.
तुळशी माळ घालताना काही गोष्टी लक्षात ठेवणं खूप महत्वाचं आहे. असं म्हटलं जातं की, माळ धारण करणाऱ्याने मांस, मासे, अंडी आणि मद्यपान टाळलं पाहिजे. तुळशीची माळ घालताना खोटं बोलणं, गैरवर्तन करणं किंवा एखाद्याचा अपमान करणं देखील योग्य मानलं जात नाही. तुळशीच्या माळेतील मणी कधीही जमिनीवर ठेवू नयेत.
महिला देखील तुळशी माळ घालू शकतात. त्यामुळे महिलांनी ही माळ वापरण्यावर कोणतंही बंधन नाही. काही महिला मासिक पाळीच्या वेळी माळ काढतात कारण त्या काळात पूजा केली जात नाही. मात्र ही गोष्ट पूर्णपणे वैयक्तिक श्रद्धेवर अवलंबून असते. पुरुषांप्रमाणेच महिलांनाही तेच नियम लागू होतात.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.