Palmistry: तळहातावरील 'ही' चिन्हं आणतायत तुमच्या आयुष्यात वादळ; पाहा काय सांगतं हस्तरेशा शास्त्र!

ज्योतिष्य शास्त्रामध्ये हस्तरेखा शास्त्राला फार महत्त्व देण्यात आलं आहे. अनेकवेळा तुमचा हात पाहून भविष्य सांगण्यात येतं. मुळात हस्तरेखा शास्त्रामध्ये अशा अनेक रेषा, चिन्हं आहेत ज्यापासून बनवलेले आकार स्पष्ट केलेत. या शास्त्रामध्ये तुमच्या हाताच्या रेषांचा अभ्यास करून भविष्याशी निगडीत गोष्टी समजू शकतात.

आपण आज हातावरील अशा रेषांबद्दल जाणून घेणार आहोत, ज्यामुळे तुमच्या करियरमध्ये येणाऱ्या समस्यांबाबत तुम्हाला माहिती मिळू शकणार आहे.

कोणाच्या आयुष्यात येऊ शकतात समस्या

हस्तरेखा शास्त्रानुसार, ज्या व्यक्तींच्या हातावर सूर्याची रेखा छोटी असते आणि हृदय रेषा पहिल्यांदाच थांबलेली दिसून येते, अशा व्यक्तींना त्यांच्या करियरमध्ये अनेक समस्यांचा सामना करावा लागतो. या लोकांना त्यांच्या इच्छेनुसार, नोकरी मिळत नाही. याशिवाय अभ्यासात देखील मनाप्रमाणे यश मिळत नाही.

कोणताही निर्णय विचारपूर्वक घ्यावा

हस्तरेषा शास्त्रानुसार, ज्या व्यक्तीच्या हातावर सूर्य पर्वताच्या तीन किंवा चार रेषांवर आहे किंवा आपापसात एकमेंकाना छेद देत असेल तर अशांच्या करियरमध्येही फारशी चांगली प्रगती होत नाही. या व्यक्तींना अनेक अडचणींचा सामना करावा लागतो. दुसरीकडे कोणा व्यक्तीच्या हातात सूर्य रेषा अस्पष्ट असेल अशा व्यक्तींनी कोणताही निर्णय विचारपूर्वक घेणं गरजेचं आहे.

कोण असतं लाभदायक?

तर्जनीच्या अगदी खालच्या बाजूला गुरु पर्वत असतो. हस्तरेषा शास्त्रामध्ये असं मानण्यात आलंय की, ज्या व्यक्तीच्या हातात गुरु पर्वत उभा असतो, अशा व्यक्ती भाग्यशाली असतात. मेडिकल आणि मॅनेजमेंट या क्षेत्रामध्ये या व्यक्तींना चांगली संधी मिळते.

(Disclaimer: येथे दिलेली माहिती सामान्य गृहीतके आणि माहितीवर आधारित आहे. साम टीव्ही याची पुष्टी करत नाही.)