May Tourist Destination : मे महिन्यात कमी बजेटमध्ये फिरण्यासाठी ही ठिकाणे आहेत बेस्ट

May Travel Destination : उष्णतेपासून आराम मिळवण्यासाठी लोक अनेक पद्धतींचा अवलंब करतात. पण उन्हाळ्यात शांततेचे क्षण मिळणे फार कठीण असते. कडक उन्हापासून आणि कडक सूर्यप्रकाशापासून आराम मिळविण्यासाठी लोक थंड ठिकाणी सुट्टीचे नियोजन करतात.

उन्हाळ्यात, लोक अनेकदा डोंगरावर जाण्याचा विचार करतात, परंतु कधीकधी बजेटमुळे त्यांची योजना पूर्ण होऊ शकत नाही. जर तुम्हीही बजेटमुळे तुमच्या सुट्टीचे प्लॅनिंग करू शकत नसाल तर आम्ही तुम्हाला अशा काही ठिकाणांबद्दल सांगणार आहोत जिथे तुम्ही तुमची परिपूर्ण सुट्टी कमी बजेटमध्ये घालवू शकता.

चेरापुंजी -

तुम्ही निसर्गप्रेमी (Nature Love) असाल आणि तुमची सुट्टी निसर्गाच्या कुशीत घालवायची असेल , तर चेरापुंजी तुमच्यासाठी योग्य ठिकाण ठरेल. मेघालय राज्यात वसलेले हे शहर आपल्या सौंदर्याने लोकांची मने जिंकते. चारही बाजूंनी हिरवाईने वेढलेले हे शहर बांगलादेशच्या सीमेला जोडलेले आहे. कमी बजेटमध्ये तुम्ही येथे उत्तम सुट्टी घालवू शकता.

मनाली -

उन्हाळ्यात भेट देण्यासाठी मनालीला नेहमीच लोकांची (People) पहिली पसंती असते. आपल्या सौंदर्यामुळे हे शहर देशातच नाही तर परदेशातही प्रसिद्ध आहे. दरवर्षी मोठ्या संख्येने पर्यटक येथे भेट देण्यासाठी येतात. येथे तुम्हाला सुंदर धबधबे आणि सुंदर दऱ्या पाहायला मिळतात. याशिवाय पॅराशूटिंग, पॅराग्लायडिंग यांसारख्या साहसी गोष्टींचाही इथे आनंद लुटता येतो.

दार्जिलिंग -

दार्जिलिंग हे मे महिन्यात फिरण्यासाठी (Travel) योग्य ठिकाण (Place) आहे. येथे तुम्ही चहाच्या बागा, पर्वत आणि ट्रेनचा आनंद घेऊ शकता. आपल्या सौंदर्यामुळे हे शहर देश-विदेशातील लोकांना आकर्षित करते. अशा परिस्थितीत तुम्ही मे महिन्याची सुटी घालवण्यासाठी दार्जिलिंगला जात असाल तर इथे असलेल्या बारबटिया रॉक गार्डनला नक्की भेट द्या.

उटी -

उटी हे भारतातील प्रमुख पर्यटन स्थळांपैकी एक आहे . कॉफी आणि चहाच्या मळ्यासाठी हे शहर जगभरात ओळखले जाते. याशिवाय येथे असलेले सुंदर पर्वत आणि येथील थंड वाऱ्यामुळे तुम्हाला उष्णतेपासून दूर राहून आराम वाटतो. तुम्ही येथे नीडल व्ह्यूपॉईंटला भेट देऊ शकता, जिथे सुंदर दृश्ये तुम्हाला भुरळ घालतील.

नैनिताल -

या उन्हाळ्याच्या मोसमात, जर तुम्ही तुमच्या कुटुंबासोबत सुट्टीचे नियोजन करत असाल, तर नैनिताल हे तुमचे सर्वोत्तम गंतव्यस्थान ठरेल. मे महिन्याच्या हंगामात येथील हवामान अतिशय आल्हाददायक असते. जर तुम्ही या सुट्टीत नैनीतालला भेट देण्याचा विचार करत असाल तर तुम्ही नैनी लेक, मॉल रोड, स्नो व्ह्यू पॉइंट आणि बोटॅनिकल गार्डनला भेट देऊ शकता.

हरिपुरधर -

नैसर्गिक सौंदर्यासाठी प्रसिद्ध असलेल्या हिमाचल प्रदेशला भेट देण्यासाठी अनेक ठिकाणे सापडतील. यापैकी एक हरिपूरधर हे राज्यातील अतिशय सुंदर शहर आहे. थंडगार वारा आणि हिरवळ यांच्यामध्ये तुम्ही आरामदायी क्षण घालवू शकता. मे महिन्यात इथलं वातावरण छान असतं.