Liver damage symptoms: हाय ब्लड प्रेशरसोबत लिव्हर डॅमेजची 'ही' ५ लक्षणं दिसतात; चुकूनही इग्नोर करू नका

Liver disease and high blood pressure: तुमच्या शरीरातील एक महत्त्वाचा अवयव म्हणजे यकृत खराब झाल्यावरही रक्तदाब वाढू शकतो? जर तुम्हाला उच्च रक्तदाबासोबतच यकृताची समस्या आहे, तर ही ५ लक्षणे अजिबात दुर्लक्षित करू नका.
Liver damage symptoms
Liver damage symptomssaam tv
Published On
Summary
  • उच्च रक्तदाब लिव्हरला नुकसान करू शकतो.

  • हाय ब्लड प्रेशरमुळे लिव्हर फायब्रोसिसचा धोका वाढतो.

  • सतत थकवा लिव्हरच्या समस्येचे लक्षण आहे.

हाय ब्लड प्रेशर म्हणजे उच्च रक्तदाब याला अनेकदा “सायलेंट किलर” म्हटलं जातं. कारण हा आजार फक्त हृदयावरच परिणाम करत नाही, तर हळूहळू लिव्हरलाही नुकसान पोहोचवतो. अनेक वेळा लोक त्याची लक्षणं थकवा, ताणतणाव किंवा वाढत्या वयाशी जोडून दुर्लक्ष करतात. Frontiers in Medicine मध्ये प्रकाशित झालेल्या एका अभ्यासानुसार, ज्या लोकांना हाय ब्लड प्रेशर असतं त्यांना लिव्हर फायब्रोसिसचा धोका जास्त असतो.

तज्ज्ञांच्या म्हणण्यानुसार, विशेषत: ज्या लोकांना मेटाबॉलिक समस्येमुळे होणारी फॅटी लिव्हरची समस्या (MASLD) असते, त्यांच्यात हा धोका आणखी वाढतो.

सतत थकवा आणि सुस्ती

जर पुरेशी विश्रांती घेतल्यानंतरही शरीर थकलेलं वाटतं किंवा नेहमीच सुस्ती जाणवते, तर हे लिव्हरवरील ताणाचं लक्षण असू शकतं. हाय ब्लड प्रेशरमुळे लिव्हरचं काम बिघडतं आणि त्यामुळे शरीरातील ऊर्जा निर्मिती व पोषकतत्वांचं शोषण नीट होत नाही. हा थकवा साध्या थकव्यापेक्षा वेगळा असतो.

Liver damage symptoms
Early symptoms of stroke: स्ट्रोक येण्यापूर्वी शरीरात होतात 'हे' ३ मोठे बदल; मृत्यूचा धोका टाळण्यासाठी वेळीच ओळखा लक्षणं

पोटात वेदना

उजव्या बाजूच्या वरच्या पोटात वेदना किंवा जडपणा जाणवणं हे लिव्हरमध्ये सूज किंवा लिव्हर वाढल्याचं लक्षण असू शकतं. बऱ्याचदा लोक हे अपचन किंवा गॅस म्हणून समजून घेतात. मात्र, अल्ट्रासाऊंडसारख्या तपासण्यांमुळे वेळेत लिव्हर एन्लार्जमेंट ओळखता येतं आणि गंभीर नुकसान टाळता येऊ शकतं.

Liver damage symptoms
Early signs of heart disease: शरीरात दिसणारे 'हे' ८ बदल वेळीच ओळखा; हृदयाच्या आजारांचा धोका दर्शवतात लक्षणं, दुर्लक्ष नकोच!

पिवळेपणा आणि त्वचेतील बदल

त्वचा किंवा डोळ्यांमध्ये थोडासा पिवळसरपणा दिसल्यास हे लिव्हर बिघडल्याचं स्पष्ट संकेत आहे. हाय ब्लड प्रेशरमुळे लिव्हरच्या समस्या वाढू शकतात आणि त्यातून बिलिरुबिनची पातळी वाढते. त्वचेतील अगदी हलके रंगबदलही दुर्लक्षित करू नयेत.

पाय व पोट सुजणं

हाय ब्लड प्रेशरमुळे लिव्हरचे प्रोटीन तयार करण्याची क्षमता कमी होते. त्यामुळे शरीरात पाणी (फ्लुइड) साचायला लागतं. हे प्रामुख्याने पाय, घोटे किंवा पोट सुजल्यामुळे लक्षात येतं.

Liver damage symptoms
Women Need More Sleep: पुरुषांपेक्षा महिलांना झोप जास्त गरजेची; अभ्यासातून समोर आलं चकित करणारं कारण

लघवी व शौचाच्या रंगात बदल

लघवीचा रंग गडद असेल आणि खूप फिकट रंगाचा शौच हे लिव्हरच्या कार्यात अडथळ्याची चिन्हं आहेत. गडद लघवी म्हणजे शरीरात बिलिरुबिन जास्त झालं आहे, तर फिकट शौच याचा अर्थ बाइल फ्लो नीट होत नाही.

Liver damage symptoms
What Is The Right Time To Drink Coconut Water: नारळ पाणी कधी प्यावं? योग्य वेळ कोणती?

लिव्हरची काळजी कशी घ्यावी?

  • ब्लड प्रेशर नियंत्रणात ठेवा.

  • लिव्हरसाठी उपयुक्त आहार घ्या.

  • नियमितपणे लिव्हर फंक्शन टेस्ट करा.

  • लक्षणं दिसताच त्वरित डॉक्टरांचा सल्ला घ्या.

Liver damage symptoms
Sleep needs by age: वयाप्रमाणे झोपेची आवश्यकता बदलते; तुमच्या वयानुसार झोपण्याची योग्य वेळ कोणती?
Q

हाय ब्लड प्रेशरचा लिव्हरवर काय परिणाम होतो?

A

हाय ब्लड प्रेशरमुळे लिव्हर फायब्रोसिसचा धोका वाढतो.

Q

लिव्हरच्या समस्येचे सर्वात सामान्य लक्षण कोणते?

A

सतत थकवा आणि सुस्ती हे सामान्य लक्षण आहे.

Q

पोटात वेदना कोणत्या आजाराचे लक्षण असू शकते?

A

उजव्या बाजूच्या पोटात वेदना लिव्हर एन्लार्जमेंटचे लक्षण आहे.

Q

त्वचेत पिवळेपणा दिसल्यास कोणता अवयव बिघडल्याचा संशय यावा?

A

त्वचेत पिवळेपणा लिव्हरच्या समस्येचे स्पष्ट संकेत आहे.

Q

लिव्हरची काळजी घेण्यासाठी काय आवश्यक आहे?

A

रक्तदाब नियंत्रणात ठेवणे आणि नियमित तपासणी करणे आवश्यक आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com