Honda Activa Electric Scooter ची घडाळ्याच्या सेलप्रमाणे बदलता येणार बॅटरी! चार्जिंक संपण्याचं टेन्शनचं नाय

Electric Scooter : दुचाकी उत्पादक Honda मोटरसायकल आणि स्कूटर इंडिया लवकरच इलेक्ट्रिक टू-व्हीलर सेगमेंटमध्ये प्रवेश करणार आहे. सध्या या सेगमेंटमध्ये ओला, एथर आणि टीव्हीएस सारख्या कंपन्यांची मजबूत पकड आहे.

हॉन्डाचे (Honda)अध्यक्ष, MD आणि CEO Atsushi Ogata यांनी माहिती दिली आहे की कंपनी (Company) मार्च 2024 पर्यंत आपली पहिली इलेक्ट्रिक स्कूटर लॉन्च करेल. ही स्कूटर लॉन्च केल्यानंतर कंपनी पूर्णपणे नवीन इलेक्ट्रिक स्कूटर लॉन्च करणार आहे. या स्कूटरमध्ये अदलाबदल करण्यायोग्य बॅटरीसह अनेक प्रीमियम वैशिष्ट्ये देखील मिळतील. कंपनीची पहिली इलेक्ट्रिक स्कूटर सध्याच्या अॅक्टिव्हा स्कूटरवर आधारित असेल.

स्कूटर कशी असेल?

कंपनीने पुष्टी केली आहे की Honda Activa इलेक्ट्रिक स्कूटरला शक्तिशाली बॅटरी पॅक मिळेल. याचा टॉप स्पीड 50 किमी प्रतितास असेल. आतापर्यंत या स्कूटरबद्दल फारच कमी माहिती समोर आली आहे.

तथापि, त्याचे स्वरूप ICE आवृत्तीसारखेच असेल. अ‍ॅक्टिव्हा इलेक्ट्रिकमध्ये त्याच्या पेट्रोल व्हर्जनप्रमाणे सस्पेंशन आणि ब्रेकिंग सिस्टिमही उपलब्ध असेल. यात टेलिस्कोपिक फ्रंटचे 130 मिमी फ्रंट आणि रियर ड्रम ब्रेक आणि 3-स्टेप अॅडजस्टेबल रिअर सस्पेंशन मिळेल.

फीचर्स कशी असतील?

LED हेडलॅम्प आणि अॅनालॉग ओडोमीटरसह Honda Activa Electric मध्ये स्पीडोमीटर आणि टॅकोमीटर सारखी फीचर्स दिली जाऊ शकतात. ही स्कूटर सध्या स्टँडर्ड, डिलक्स आणि स्मार्ट या व्हेरियंटमध्ये उपलब्ध आहे. ज्याची किंमत 74,536 ते 80,537 रुपये आहे. तथापि, इलेक्ट्रिक व्हर्जनमध्ये त्याची किंमत जास्त असू शकते.

कंपनी बॅटरी स्वॅपिंग स्टेशन उभारणार आहे -

टू व्हीलर ब्रँडने माहिती दिली आहे की कंपनी देशातच इन-हाउस इलेक्ट्रिक मोटर्सचे उत्पादन करणार आहे. कंपनी बर्‍याच काळापासून स्थानिक पातळीवर इलेक्ट्रिक मोटर्स आणि बॅटरी बनवण्याचे काम करत आहे.

पायाभूत सुविधा मजबूत करण्यासाठी, कंपनी तिच्या वाहनांचे उत्पादन वाढवण्यासाठी 2023-24 या आर्थिक वर्षात मोठी गुंतवणूक करणार आहे. त्याच वेळी, कंपनी आपली दुसरी इलेक्ट्रिक स्कूटर लॉन्च करण्यापूर्वी बॅटरी स्वॅपिंग स्टेशनचे नेटवर्क मजबूत करेल.