भारतात आजही पुरुष प्रधान संस्कृती आहे. प्रत्येक घरात पती मेहनतीने, कष्टाने घर चालवतो. तर पत्नी घरातील सर्व कामे करून आपल्या पतीच्या आणि मुलांच्या आनंदासाठी जगत असते. या सर्वांत दोघांनी देखील एकमेकांचा आदर करणे गरजेचं असतं. घरातील प्रमुख स्त्री म्हणजेच पत्नी सुखी आणि समाधानी असेल तर पतीची आर्थिक भरभराट होते. त्याच्या वाटेत असलेले सर्व अडथळे दूर होतात.
पत्नी कोणतीही तक्रार न करता कायम पती सांगेल तसं वागत असते. त्यामुळे पत्नीला कायम वेगवेगळे गिफ्ट दिले पाहिजेत. आयुष्यात भरभराट हवी असेल तर पत्नीला कोणते गिफ्ट द्यावेत याचीच माहिती आज जाणून घेणार आहोत.
पैजण
पैजण हा असा दागिना आहे जो प्रत्येक महिलेला आवडतो. तुमच्या आर्थिक परिस्थितीनुसार तुम्ही पत्नीला चांदीचे किंवा सोन्याचे पैजण गिफ्ट करू शकता. जो पती आपल्या पत्नीला सोन्याचे पैजण गिफ्ट करतो त्याला चांगली नोकरी मिळते.
सोन्याच्या बांगड्या
सोन्याचे अलंकार परिधान करावेत असं प्रत्येक स्त्रीला वाटतं. जेव्हा तुम्ही तुमच्या पत्नीसाठी सोन्याच्या बांगड्या बनवाल तेव्हा हे सर्व पाहून तुमच्या पत्नीचे मन खुश होईल. मनापासून ती तुमच्या प्रगतीसाठी प्रार्थना करेल. त्याने ऑफिसमध्ये तुम्हाला काही अडचणी असतील तर त्या दूर होतील.
मंगळसूत्र
प्रत्येक स्त्रीसाठी हा दागिना सर्वात जवळचा असतो. लग्नामध्ये अनेकदा पिढ्या न पिढ्या चालत आलेले पारंपरिक दागिने म्हणजे अगदी मंगळसूत्र देखील दिले जाते. मात्र काही दिवसांनी पत्नीला तिच्या आवडीचे तिला हवे तसे मंगळसूत्र बनवून द्या. असे केल्याने पत्नीला फार आनंद होईल. तसेच तुमच्या आयुष्यात जमिनीच्या काही समस्या असतील तर त्या दूर होतील.
टिकली आणि गजरा
सर्व महागड्या अलंकारांसह तुम्ही काही स्वस्तात मिळणाऱ्या गोष्टी देखील पत्नीला गिफ्ट करू शकता. यामध्ये तुम्ही तिच्यासाठी सुंदर तिकल्यांचे पाकीट किंवा गजरा घेऊन जाऊ शकता. महिलांना चाफ्याची फुले देखील केसात माळायला आवडतात.
वेळ
प्रत्येक पत्नी आपल्या पतीवर जीवापाड प्रेम करते. त्यामुळे महागडे गिफ्ट देण्याऐवजी तुम्ही तिला स्वतःचा वेळ सुद्धा देऊ शकता. पत्नीशी रोज बोला, तिला काय हवे काय नको ते समजून घ्या. तिच्या अडचणी आणि गरजा काय आहेत ते जाणून घ्या. तुम्ही सदैव पत्नीच्या पाठीशी ठामपणे उभे आहात याची तिला जाणीव करून द्या.
टीप : ही माहिती सामान्य आहे. आम्ही या माहितीचा कोणताही दावा करत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.