Post Office Scheme: पोस्ट ऑफिसची हमी योजना! फक्त एकदाच गुंतवणूक करा, आयुष्यभर परतावा मिळवा

Post Office Guarantee Scheme In Detail

आजच्या धावपळीच्या काळात लोक पैसे वाचवण्यासाठी विविध मार्ग शोधत आहेत. बँकांबद्दल बोलायचे झाले तर व्याजदर दिवसेंदिवस वाढत आहेत. त्यामुळं लोक आता आपले पैसे बँकेत गुंतवणे योग्य मानत नाहीत. त्यामुळं पोस्ट ऑफिसचं महत्त्व वाढलंय. लोकं आता आपले उत्पन्न वाचवण्यासाठी पोस्ट ऑफिसला (Post Office Saving Schemes) सर्वोत्तम पर्याय मानत आहेत.  (latest marathi news)

पोस्ट ऑफिस मासिक उत्पन्न योजना

पोस्ट ऑफिस (Post Office) स्मॉल सेव्हिंग स्कीम छोट्या बचतीतून कमाईची हमी देण्यासाठी खूप चांगली आहेत. ही एक सरकारी योजना आहे, ज्यामध्ये पती-पत्नी एकत्रित खात्याद्वारे दरमहा उत्पन्न मिळवू शकतात. यामध्ये फक्त एकरकमी गुंतवणूक करावी लागते. पोस्ट ऑफिस मंथली इन्कम स्कीम (POMIS)च्या मदतीने तुम्ही हे उत्पन्न मिळवू शकता. पोस्ट ऑफिसच्या एमआयएस योजनेत संयुक्त खाते उघडण्याची सुविधा आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या योजनेत एकल आणि संयुक्त अशी दोन्ही खाती उघडता येतात. एमआयएस खात्यात एकदाच गुंतवणूक करावी लागते. त्याची मुदत ५ वर्षे आहे. एमआयएसला अधिक आकर्षक बनवण्यासाठी सरकारने १ एप्रिल २०२३ पासून व्याजदर ७.४ टक्के केला आहे. यासोबतच गुंतवणुकीची मर्यादाही वाढवण्यात आली आहे.

'अशा' प्रकारे मासिक उत्पन्न ठरवले जाते

पोस्ट ऑफिस हमी योजनेंतर्गत, एका खात्यात जास्तीत जास्त ९ लाख रुपये जमा केले जाऊ शकतात, तर संयुक्त खात्यात कमाल ठेव मर्यादा १५ लाख रुपये आहे. सध्या ही योजना ७.४ टक्के वार्षिक व्याज देत आहे. तुमची इच्छा असल्यास, तुमची संपूर्ण मुद्दल रक्कम ५ वर्षांच्या मॅच्युरिटी कालावधीनंतर परत केली जाईल. ते आणखी ५ वर्षांसाठी वाढविले जाऊ शकते. दर ५ वर्षांनी मूळ रक्कम काढण्याचा किंवा योजनेला मुदतवाढ देण्याचा पर्याय आहे. खात्यावर मिळणारे व्याज दर महिन्याला तुमच्या पोस्ट ऑफिस बचत खात्यात (Post Office) भरले जाते.

मासिक उत्पन्नाची हमी

पोस्ट ऑफिसच्या या योजनेत (Post Office) मासिक उत्पन्नाची हमी आहे. पती-पत्नीने संयुक्त खाते उघडले आणि त्यात १५ लाख रुपये जमा केले. तर त्यावर ७.४ टक्के दराने वार्षिक १,११,००० रुपये व्याज मिळते. जर तुम्ही ते ११ महिन्यांत वितरित केले तर तुम्हाला दरमहा ९२५० रुपये मिळतील. नियमांनुसार एमआयएसमध्ये दोन किंवा तीन लोक संयुक्त खाते उघडू शकतात. या खात्यातून मिळणारे उत्पन्न प्रत्येक सदस्याला सारखेच दिले जाते. संयुक्त खाते कधीही एकल खात्यात रूपांतरित केलं जाऊ शकते. एकल खाते देखील संयुक्त खात्यात रूपांतरित केले जाऊ शकते. खात्यात कोणतेही बदल करण्यासाठी, सर्व खाते सदस्यांना संयुक्त अर्ज सादर करावा लागेल.

मॅच्युरिटी कालावधी

एमआयएसचा मॅच्युरिटी कालावधी पाच वर्षांचा आहे. आपण ठेवीच्या तारखेपासून एक वर्ष पूर्ण झाल्यानंतरच पैसे काढू शकतो. नियमांनुसार, एक वर्ष ते तीन वर्षांच्या दरम्यान पैसे काढल्यास, जमा केलेल्या रकमेपैकी २ टक्के कपात केली जाईल आणि परत केली जाईल. तुम्ही खाते उघडल्यानंतर ३ वर्षांच्या मुदतीपूर्वी पैसे काढल्यास, तुमच्या ठेवीतील १ टक्के कपात केली जाईल आणि परत केली जाईल.