Jobs News: जनरेशन 'Z' ला नोकरीत नो एण्ट्री? बेफिकीरीमुळे कंपन्यांचा नकार

1990 च्या उत्तरार्धात आणि 2000 च्या सुरुवातीस जन्मलेल्या तरूणांना 'जनरेशन झेड' म्हणतात. पहिलं तर ही पिढी इंटरनेटच्या सहाय्याने मोठी झालेली पहिली पिढी आहे. हे तरुण उत्साहाने भरलेले आहेत. मात्र कंपन्या त्यांना कामावर घेण्यास नाखूष आहेत. अनेक मोठ्या कंपन्या जनरेशन झेड यांना नोकरी देण्यास टाळाटाळ करत आहेत.

अनेक कंपन्या कामावर घेतल्यानंतर काही महिन्यांतच तरुणांना नोकरीवरुन काढून टाकत आहेत. कारण त्यांची काम करण्याची शैली, संवाद कौशल्य आणि कामाबद्दलची बेफिकीरी कंपन्यांना रुचणारी नाही. एका सर्वेक्षणात सुमारे 1,000 कंपन्यांच्या प्रतिनिधींनी भाग घेतला. त्यात ही धक्कादायक माहिती समोर आलीय. जगभरातील अनेक कंपन्या जनरेशन झेड कर्मचाऱ्यांना नोकरीवरून काढून टाकत आहे.

नेमकी यामागची काय कारणं आहेत ते पाहूयात.

जनरेशन 'Z' ला नोकरीत का नो एण्ट्री?

व्यावसायिकतेचा अभाव

गती आहे पण उथळपणा

संभाषण कौशल्याचा अभाव

कामाबाबत गांभीर्य नसणं

कमी काळात नोकरी सोडणं

अधिक पैसे मिळवण्यासाठी शॉर्टकटचा प्रयत्न

या परिस्थितीसाठी अनेक तज्ज्ञांनी शिक्षण व्यवस्थेला जबाबदार धरले आहे. तरुणाईमध्ये संयम रुजवायला हवा. तसेच कौशल्य आत्मसात करण्यासाठी त्यांनी सरावावर भर दिला पाहिजे, अशी अपेक्षा व्यक्त होत आहे. तंत्रज्ञान झपाट्यानं बदलत आहे. संधीची नवीन दालनं उघडत आहेत. अशा वेळी 'जनरेशन झेड' नेही स्वत:मध्ये बदल करायला हवा...तरच मोठ्या कंपन्या त्यांना प्रतिसाद देतील.