Organ Donation : त्याने घेतला जगाचा निरोप, कुटुंबावर दु:खाचा डोंगर; पण अनेकांना दिलं जीवनदान...

DPU Super Specialty Hospital : कुटुंबातील एकुलता एक कमावणारा असून त्यामागे, आता त्याचे आई-वडील आणि एक लहान बहीण असा परिवार आहे.
Organ Donation
Organ DonationSaam Tv

Pune : ब्रेन डेड घोषित केलेल्या पुण्यातील एका ३२ वर्षीय तरुणाने मृत्यूनंतर देखील अवयवदान करून ५ जणांचे प्राण वाचवले आहेत. हा तरुण हायड्रोसेफलससह इंट्राव्हेंट्रिक्युलर हॅमरेजसह एन्युरिझमल इंट्राक्रॅनियल रक्तस्रावाने त्रस्त होता. कुटुंबातील एकुलता एक कमावणारा असून त्यामागे, आता त्याचे आई-वडील आणि एक लहान बहीण असा परिवार आहे.

१७ मे रोजी संध्याकाळी ३२ वर्षीय तरुणाच्या आवश्यक चाचण्या केल्यानंतर त्याला ब्रेन डेड घोषित करण्यात आले. हा रुग्ण गेल्या तीन महिन्यांपासून त्रस्त होता आणि त्याच्यावर आरोग्य (Health) केंद्रात उपचार सुरू होते.

Organ Donation
Hypertensive Heart Disease : उच्च रक्तदाबामुळे वाढतो हृदयावरील ताण ? हायपरटेन्सिव्ह हार्ट डिसीज म्हणजे काय ?

प्रत्यारोपण समन्वयकाने रुग्णाच्या कुटुंबीयांचे (Family) समुपदेशन केले आणि नंतर त्यांनी आपल्या मुलाचे अवयव दान करण्याचा निर्णय घेतला. १८ मे रोजी, नॅशनल ऑर्गन अँड टिश्यू ट्रान्सप्लांटेशन ऑर्गनायझेशन (NOTTO) ने डीपीयू प्रायव्हेट सुपर स्पेशालिटी हॉस्पिटल, पुणे येथे अवयव दान (Donate) प्रणालीनुसार दात्याच्या अवयवांच्या उपलब्धतेबद्दल अलर्ट जारी केला, त्यानुसार हृदय, यकृत, फुफ्फुस, स्वादुपिंड आणि मूत्रपिंड शुक्रवारी पुनर्प्राप्त करण्यात आले.

१९ मे रोजी पिंपरीतील डीपीयू सुपर स्पेशालिटी हॉस्पिटलमधील रुग्णांना फुफ्फुस आणि १ किडनी देण्यात आली, हृदय मुंबईतील सर एचएन रिलायन्स हॉस्पिटलमधील रुग्णाला देण्यात आले आणि १ मूत्रपिंड, यकृत आणि स्वादुपिंड पुण्यातील ज्युपिटर हॉस्पिटलमध्ये दिले गेले.पुण्यातील डॉ. डी.वाय. पाटील विद्यापीठाचे विश्वस्त आणि खजिनदार डॉ. यशराज पाटील म्हणाले रुग्ण ब्रेन डेड झाला होता

आम्ही तिच्या अवयवदानाबद्दल कुटुंबाकडून संमती मिळवू शकलो. बहु-अवयव प्रत्यारोपण आमच्या सर्जनच्या हस्ते यशस्वीपणे करण्यात आले. हृदयाची निर्धारित वेळेत मुंबईत पोहोचण्यासाठी अत्यंत गरजेची होती, त्यासाठी आम्ही डीपीयू प्रायव्हेट सुपर स्पेशालिटी हॉस्पिटल ते मुंबई असा ग्रीन कॉरिडॉर मोठ्या कार्यक्षमतेने तयार केला. हृदय मुंबईत अवघ्या १.५ तासात पोहोचले, त्यांच्या या उदात्त कृतीबद्दल आम्ही कुटुंबाचे आभारी आहोत आणि याद्वारे आम्ही अनेक जीव वाचवू शकलो याचा आनंद आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com