Credit Card: CIBIL स्कोर राखण्यासाठी क्रेडिट कार्ड वापरकर्त्यांनी टाळाव्यात अशा चुका, जाणून घ्या नियम आणि टिप्स

आजकाल बँकिंग सेवांच्या ऑनलाइन सुविधांमुळे ग्राहकांना अनेक फायदे होऊ लागले आहेत. इंटरनेट बँकिंगच्या माध्यमातून, लोक सहजपणे पैसे पाठवू शकतात आणि इतर बँकिंग कामे मोबाइलवर देखील करु शकतात. यामुळे क्रेडिट कार्डचा वापर देखील वाढला आहे. अनेक लोक क्रेडिट कार्ड घेतात, त्याचा वापर करतात आणि दर महिन्याला बिल भरतात. परंतु, क्रेडिट कार्ड वापरत असताना काही महत्त्वाच्या चुका टाळणे आवश्यक आहे. क्रेडिट कार्डधारकांना त्यांच्या आर्थिक भविष्यासाठी या चुका टाळाव्या लागतात, अन्यथा त्यांचा सिबिल (CIBIL) स्कोर कमी होऊ शकतो, आणि त्याचा परिणाम त्याच्या कर्ज घेण्याच्या क्षमतेवर होऊ शकतो.

तुमच्या सिबिल स्कोअरवर खराब परिणाम करणारी पहिली चूक म्हणजे क्रेडिट कार्डची बिले वेळेवर न भरने. जर तुम्ही एका महिन्याचे बिल भरले असले आणि दुसऱ्या महिन्यात ते चुकवले किंवा खूप दिवस बिल न भरल्यास, बँक तुमच्याशी संपर्क साधणे बंद करू शकते. या परिस्थितीत, तुमच्या क्रेडिट हिस्ट्रीवर नकारात्मक प्रभाव पडतो आणि CIBIL स्कोअर घटू शकतो. यामुळे, वेळेवर बिल भरणे महत्त्वाचे आहे, कारण क्रेडिट कार्डद्वारे आर्थिक जबाबदारी दाखविणे तुमच्या भविष्यातील कर्ज प्रक्रियेवर सकारात्मक प्रभाव टाकते. अशा चुका टाळण्यासाठी नियमितपणे बिल भरावं.

खूप लोक त्यांच्या क्रेडिट कार्डची संपूर्ण मर्यादा खर्च करतात, पण हे टाळले पाहिजे. उदाहरणार्थ, जर तुमची क्रेडिट कार्ड मर्यादा 2 लाख रुपये असेल, तर तुम्ही फक्त ५०,००० ते ८०,००० रुपये खर्च करावेत. संपूर्ण मर्यादा खर्च केल्याने तुम्ही बँकेच्या दृष्टीने एक उच्च खर्च करणारा ग्राहक म्हणून ओळखले जाऊ शकता, ज्यामुळे तुमच्या क्रेडिट प्रोफाइलवर नकारात्मक प्रभाव पडतो. याचा परिणाम तुमच्या सिबिल (CIBIL) स्कोअरवर होऊ शकतो, जो भविष्यात कर्ज घेण्यास त्रासदायक ठरू शकतो. म्हणून, क्रेडिट कार्डची मर्यादा ओलांडण्यापासून बचाव करणे महत्त्वाचे आहे.

तुमचा सिबिल स्कोर कमी झाल्यास, त्याचा थेट परिणाम तुमच्या कर्जावर किंवा क्रेडिट कार्डवर होतो. जर तुमचा CIBIL स्कोर निर्धारित मर्यादेपेक्षा कमी झाला, तर बँक किंवा NBFC तुमचं क्रेडिट कार्ड जारी करण्यास किंवा कर्ज देण्यास नकार देऊ शकतात. त्यामुळे, चांगला सिबिल स्कोर राखणे अत्यंत महत्त्वाचे आहे. तुमच्या आर्थिक भविष्यासाठी, नियमितपणे क्रेडिट कार्ड बिले वेळेवर भरणे आणि कर्जाचे योग्य व्यवस्थापन करणे आवश्यक आहे.

CIBIL स्कोअर किती असावा?

-CIBIL स्कोअर ७५० ते ९०० पर्यंत उत्कृष्ट मानला जातो.

-६५० ते ७४९ दरम्यान CIBIL स्कोअर चांगला मानला जातो.

-५००-६४९ पर्यंतचे स्कोअर सरासरी मानले जातात.

-जर तुमचा CIBIL स्कोअर ३००-४९९ च्या दरम्यान असेल तर तो एक खराब स्कोर आहे ज्यावर कर्ज उपलब्ध नाही.