Jioचा नवा रिचार्ज प्लान; इतक्या रुपयांमध्ये दिवस-रात्र मोफत फोनवर बोला, ५६ जीबी 5 जी डेटाही वापरा

Jio-Vi Plan Under Rs 300 :

जिओ कंपनीने ग्राहकांना चांगला रिचार्ज प्लान ऑफर केला आहे. ३०० रुपयांच्या नव्या रिचार्ज प्लान ऑफरमध्ये ग्राहकांना अनेक चांगले फायदे मिळत आहेत. या प्लानची जिओ आणि व्हीआयच्या 299 रुपयांच्या रिचार्जसोबत तुलना होत आहे. (Latest Marathi News)

व्हीआयचा २९९ रुपयांचा प्लान

व्हीआयच्या २९९ रुपयांच्या प्लानमध्ये दररोज १.५ जीबी हाय-स्पीड डेटा, अनलिमिटेड फ्री वॉईस कॉलिंग आणि दररोज १०० एसएमएस मिळत आहे. तसेच Vi Hero Unlimited फायदेही मिळत आहे. व्होडाफोनच्या स्वस्त प्लानमध्ये २८ दिवसांची व्हॅलिडिटी देण्यात आली आहे. या प्लानमध्ये एकूण ४२ जीबी हाय-स्पीड डेटा मिळत आहे. व्हीआय अॅपच्या माध्यमातून रिचार्ज केल्यास ५ जीबी डेटा मोफत मिळतोय.

jio चा २९९ रुपयांचा प्लान

जिओ कंपनी २९९ रुपयांच्या प्लानमध्ये २ जीबी हायस्पीड डेटा देत आहे. या प्लानमध्ये लोकल आणि अनलिमिटेड एसटीडी कॉलिंगसोबत दररोज १०० एसएमएस मोफत मिळत आहेत. या ऑफरमध्ये २८ दिवसांची व्हॅलिडीटी मिळत आहे. या प्लानमध्ये एकूण ५६ जीबी हाय-स्पीड डेटा मिळत आहे. तसेच जिओ टीव्ही, जिओ सिनेमा आणि जिओ क्लाऊडचं सब्सक्रिप्शन मोफत आहे.

दोन्ही प्लानमध्ये फरक काय?

जिओ आणि व्होडाफोनच्या २९९ रुपयांच्या रिचार्जमध्ये इंटरनेट डेटाचं मोठं अंतर आहे. एकीकडे जिओ २९९ रुपयांच्या रिचार्जमध्ये ५६ जीबी डेटा मिळत आहे. तर त्याच किंमतीत व्हीआय ४२ जीबी डेटा देत आहे. दोन्ही प्लानमध्ये इतर बाबी सारख्याच आहेत. फक्त जिओच्या रिचार्ज प्लानमध्ये १४ जीबी डेटा अधिक मिळत आहे.