Investment in recession Period : अमेरिकेतील संभाव्य मंदीच्या बातम्यांवर दररोज नवीन अपडेट येत असतात. काही तज्ज्ञ म्हणतात की मंदी अगदी जवळ आली आहे, तर काही म्हणतात की ती अमेरिकेत आली तरी, त्याचा फारसा परिणाम होणार नाही.
पण मंदी आली तर भारताला त्याचा फटका बसल्याशिवाय राहणार नाही. दरम्यान, आर्थिक मंदी आली तर काय होईल, अशी भीती अनेक गुंतवणूकदारांना वाटते. त्यांच्या गुंतवणुकीचे काय होणार?
आर्थिक मंदी हा देखील अर्थव्यवस्थेच्या संपूर्ण चक्राचा एक पैलू आहे. असा कोणताही देश नाही, जिथे मंदी कधीच येत नाही. मंदीच्या काळात गुंतवणूकदारांचे पैसे बुडतील असे वाटत नाही, परंतु आर्थिक मंदीला तोंड देण्याचे मार्ग तुम्हाला माहीत असतील तर इतर लोकांइतका त्याचा तुम्हाला फटका बसणार नाही.
त्यापेक्षा तुम्ही फायद्यात असाल, अर्थात हा नफा थोडा कमी असेल. आज आम्‍ही तुम्हाला मंदीच्या काळात कोणत्‍या प्रकारची गुंतवणूक चांगली असते आणि त्‍यामध्‍ये कोणती गुंतवणूक करण्‍यापासून टाळावे याची माहिती देणार आहोत.
1. फिक्स्ड इनकम
वॉल स्ट्रीट जनरलमध्ये प्रसिद्ध झालेल्या अहवालानुसार, बाजार तज्ज्ञांनी यूएस नॅशनल ब्युरो ऑफ इकॉनॉमिक रिसर्चने जाहीर केलेल्या मंदीच्या काळात गेल्या 50 वर्षांच्या आकडेवारीचा तपशीलवार अभ्यास केला. त्यांना आढळले की मंदी सुरू होईपर्यंत (1973-75, 1980, 1981-82, 1990-91, 2001, 2007-09 आणि 2020) वर्षांमध्ये सगळ्यांनी चांगली कामगिरी केली होती, परंतु अर्थव्यवस्था मंदवायला लागली. मंदीमध्ये प्रवेश केल्यानंतर, स्थिर उत्पन्नाने बरेच चांगले परतावे दिले.
संशोधकांनी यूएस हाय यील्ड बाँड्स, यूएस लॉन्ग टर्म बाँड्स, यूएस शॉर्ट टर्म बाँड्स, यूएस टोटल फिक्स्ड इन्कम, यूएस ग्रोथ स्टॉक्स, यूएस व्हॅल्यू स्टॉक्स, यूएस स्मॉल-कॅप इक्विटी, इंटरनॅशनल इक्विटी आणि यूएस लार्ज-कॅप इक्विटीचा अभ्यास केला.
2. मंदीच्या आधी आणि नंतर
मंदी सुरू होण्यापूर्वी नऊ महिन्यांत, यूएस ग्रोथ स्टॉक्सने मासिक सरासरी ०.९२ टक्के (११.६ टक्के चक्रवाढ वार्षिक परतावा) दिला. यानंतर, यूएस स्मॉल-कॅप इक्विटीने 0.83% (10.4% चक्रवाढ वार्षिक परतावा) मासिक परतावा दिला. यूएस एकूण निश्चित उत्पन्नाने 0.48% (5.9% वार्षिक) मासिक परतावा दिला.
मंदी सुरू झाल्यावर वातावरण बदलले. या कालावधीत, यूएस एकूण निश्चित उत्पन्नाने 0.62% (7.7% वार्षिक) मासिक परतावा दिला, तर यूएस ग्रोथ स्टॉक्सने 0.12% (वार्षिक 1.5%) मासिक परतावा दिला. इतर सर्व इक्विटी वर्गांनी नकारात्मक परतावा दिला.
3. निष्कर्ष
याचा निष्कर्ष पाहिल्यास, निश्चित उत्पन्न हे असे साधन आहे, जे आर्थिक मंदीतही गुंतवणूकदारांना निराश करत नाही, तर इक्विटीमध्ये तोटा होत आहे. वरील उदाहरणे अमेरिकन मंदीची आहेत, पण जेव्हा संपूर्ण जगात मंदी येते तेव्हा हे नियम नक्कीच कामी येतात.
हेच कारण आहे की सर्व पैसे इक्विटीमध्ये न टाकण्याऐवजी वित्त तज्ज्ञ नेहमीच डेट अॅसेटमध्ये गुंतवणूक करण्याची शिफारस करतात. काही पैसे कर्जामध्ये गुंतवलेले राहिल्याने, आर्थिक मंदीच्या परिस्थितीत शिल्लक राहते. म्हणजे गुंतवणूकदाराला जास्त नफा मिळत नसेल तर तोटा होण्याची शक्यताही कमी होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
