Winter Skin Care: जर तुम्हाला हिवाळ्यात चमकदार त्वचा हवी असेल तर ट्राय करा 'या' स्किन केअर रूटीन

हिवाळ्याच्या मोसमात त्वचेची काळजी घेणे खूप कठीण होऊन बसते. कारण या ऋतूत त्वचेची योग्य काळजी घेतली नाही तर तिचा कोरडेपणा वाढतो. काही वेळा हा त्रास इतका वाढतो की चेहरा निस्तेज होतो आणि डॉक्टरांचा सल्ला घ्यावा लागतो. अशा परिस्थितीत त्वचेची काळजी घेण्याचे योग्य नियम पाळले तर चेहरा निस्तेज होण्यापासून रोखता येतो.

हिवाळ्यात चेहरा स्वच्छ ठेवणे खूप महत्वाचे आहे. यासाठी नेहमी त्वचेतील ओलावा न काढता घाण साफ करणारे क्लिन्झर निवडा. चेहरा स्वच्छ करण्यासाठी गरम पाण्याचा वापर टाळा. खूप गरम पाणी त्वचा कोरडी करू शकते, म्हणून कोमट पाणी वापरा. त्वचेवर मॉइश्चरायझर लावा जर योग्य मॉइश्चरायझर वापरला नाही तर त्वचा कोरडी होऊ लागते, कारण हिवाळ्यात त्वचेला जास्त हायड्रेशनची गरज असते.

कोरडी त्वचा काढण्यासाठी सौम्य एक्सफोलिएटर वापरा. फक्त लक्षात ठेवा की हे स्क्रब किंवा एक्सफोलिएटर तुमच्या त्वचेनुसार असावे. वारंवार एक्सफोलिएशन केल्याने त्वचा आणखी कोरडी होऊ शकते. लोकांना वाटते की हिवाळ्याच्या काळात सनस्क्रीन लावण्याची गरज नाही, परंतु तसे नाही. हिवाळ्यातही सूर्यकिरण हानिकारक ठरू शकतात. बाहेर जाण्यापूर्वी SPF ४० किंवा त्याहून अधिक सनस्क्रीन लावा.

फाटलेले ओठ टाळण्यासाठी मॉइश्चरायझिंग लिप बाम लावा. तुमची इच्छा असेल तर तुम्ही तुमच्यासाठी घरीच लिप बाम बनवू शकता. घरच्या घरी लिप बाम केल्याने ओठांना खूप आराम मिळतो. रात्री झोपण्यापूर्वी ते ओठांवर लावा. रोज रात्री फेस ऑइल लावा. व्हिटॅमिन ई किंवा सी असलेली उत्पादने त्वचा मऊ आणि चमकदार ठेवतात. विशेषत: जेव्हा तुम्ही रात्री वापरता तेव्हा त्याचा परिणाम त्वचेवर अधिक होतो.