Symptoms of Liver Cancer: वजन कमी होण्यासोबत हे संकेत दिसेल तर समजा लिव्हर कॅन्सर झालाय, शरीरातील बदल ओळखा

मानवी शरीर हे प्रत्येक आजाराचे संकेत देत असतं. तुम्हाला कोणताही आजार झाला असो तुमचं शरीर तुम्हाला त्याबद्दल नेहमी सांगतं असतं. असंच जर अचानक कोणत्याही कारणाशिवाय वजन कमी होऊ लागलं आणि त्यासोबत इतर काही लक्षणे दिसू लागली तर त्याकडे दुर्लक्ष करू नये. हे शरीरात गंभीर आजाराचे संकेत असू शकतात.

एक धोकादायक आजार म्हणजे लिव्हरचा कॅन्सर. लिव्हर कॅन्सर हा जीवघेणा आजार असून त्याची सुरुवातीची लक्षणं साध्या आरोग्याच्या समस्यांसारखी वाटू लागतात. त्यामुळे अनेक लोक त्यांना गांभीर्याने घेत नाहीत. ही लक्षणं वेळेत ओळखली गेली तर उपचार शक्य होतात. लिव्हर कॅन्सरचं एक प्रमुख लक्षण म्हणजे कारणाशिवाय वजन कमी होणं. यासोबत आणखी काही लक्षणे दिसतात, जी या आजाराचे संकेत देतात.

कावीळ

कावीळ हा फार त्रासदायक आजार आहे. पण कावीळ लिव्हर कॅन्सरचं स्पष्ट लक्षण मानली जाते. लिव्हर नीट काम करू शकत नाही तेव्हा बिलिरुबिन नावाचं पदार्थ शरीरात साचू लागतो. त्यामुळे त्वचेचा आणि डोळ्यांचा रंग पिवळा होतो. गडद रंगाची लघवी आणि फिकट रंगाचे शौच हेही जॉन्डिसची लक्षणं आहेत.

पोटदुखी आणि सूज

लिव्हर पोटाच्या उजव्या वरच्या भागात असतो. या भागात सतत वेदना किंवा अस्वस्थता जाणवली तर ते लिव्हर कॅन्सरचे लक्षण असू शकतं. कॅन्सरमुळे लिव्हरमध्ये सूज येते ज्यामुळे पोट फुगल्यासारखंही वाटू लागतं. ही वेदना अनेकदा कोणत्याही कारणाशिवाय सुरू होते आणि वेळेनुसार वाढतं.

थकवा, अशक्तपणा आणि भूक न लागणं

लिव्हरचं काम शरीराला ऊर्जा निर्माण करून देणं असतं. पण लिव्हरमध्ये कॅन्सर झाल्यास ते नीट काम करू शकत नाही. त्यामुळे शरीरात ऊर्जा कमी होते आणि व्यक्तीला सतत थकवा व अशक्तपणा जाणवतो. याशिवाय, लिव्हर कॅन्सरच्या रुग्णांना भूक लागत नाही, ज्यामुळे वजन कमी होतं.

काय केलं पाहिजे

जर अचानक वजन कमी होण्यासोबत ही लक्षणं दिसत असतील तर त्याकडे दुर्लक्ष करू नका. त्वरित डॉक्टरांचा सल्ला घ्या आणि आवश्यक तपासण्या करून घ्या.

• मद्यपान पूर्णपणं टाळा

• संतुलित आणि पौष्टिक आहार घ्या

• हिपॅटायटीससारख्या आजारांपासून बचाव करा

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.