Healthy Drinks: उन्हाळ्यात शरीर थंड ठेवण्यासाठी घ्या 'हे' पाच घरगुती अन् रीफ्रेशिंग पेये!

Healthy Drinks In Summer: उन्हाळ्यात डिहायड्रेशन होणे ही एक सामान्य गोष्ट आहे. उन्हाळ्यात जास्त घाम आल्याने शरीरातून अनेक हायड्रेशन मिनरल्स नष्ट होतात यामुळे डिहायड्रेशन होते. त्यामुळे स्वतःला हायड्रेट (Hydrate) ठेवण्यासाठी पाणी किंवा इतर कोणत्याही आरोग्यदायी पेयांचे सेवन करणे महत्त्वाचे आहे.

उन्हाळ्यात ताक, आम पन्ना, नारळ पाणी आणि बेल शरबत यांसारखी अनेक आरोग्यदायी पेये शरीराला थंडावा देतात. हे पेय स्वादिष्ट तसेच आरोग्यदायी असतात. ते जीवनसत्त्वे, पोटॅशियम, सोडियम, मॅग्नेशियम आणि लोह सारख्या पोषक तत्वांनी समृद्ध आहेत. ते तुम्हाला उत्साही ठेवण्याचे काम करतात. (Healthy Drinks For Summer)

जाणून घेऊयात या पेयांबद्दल-

ताक;

दही, भाजलेले जिरेपूड, काळे मीठ आणि भाजलेले हिंग एकत्र करून ताक बनवले जाते. हे एक प्रोबायोटिक पेय आहे. हे शरीराला थंड ठेवण्याचे काम करते. यामुळे शरीर हायड्रेट राहते. ताक पचनसंस्था निरोगी ठेवते.

आम पन्ना;

आम पन्ना हे आरोग्यदायी आणि लोकप्रिय पेय आहे. उन्हाळ्यात याचे भरपूर प्रमाणात सेवन केले जाते. हे चविष्ट तर आहेच पण आरोग्यासाठीही खूप फायदेशीर आहे. आम पन्ना हा हिरवा आंबा, जिरे, पुदिना, मीठ, गूळ इत्यादीपासून बनवला जातो. त्यात भरपूर जीवनसत्त्वे A, B1, B2, C आणि पोटॅशियम, सोडियम, मॅग्नेशियम आणि लोह असते. त्वचा आणि आरोग्यासाठी हे खूप फायदेशीर ठरते.

नारळ पाणी;

नारळ पाणी हे उन्हाळ्याच्या दिवसामध्ये अतिशय आरोग्यदायी पेय आहे. उन्हाळ्यात याच्या सेवनाने शरीर हायड्रेट राहण्यास मदत होते. नारळाचे नैसर्गिक पाणी पौष्टिकतेने परिपूर्ण आहे. हे पेय फायबर, कॅल्शियम, मॅग्नेशियम, लोह, सोडियम आणि पोटॅशियमने समृद्ध असते. हे शरीराला हायड्रेट ठेवण्याचे काम करते.

बेल शरबत;

बेल शर्बत हे एक उत्तम डिटॉक्स पेय आहे. हे शरीर थंड आणि ताजे ठेवण्याचे काम करते. त्याची चव गोड आणि आंबट असते. यामुळे तुमच्या शरीराला खूप थंडावा मिळतो. त्यात भरपूर जीवनसत्त्वे आणि खनिजे असतात. हे त्याच्या गुणधर्मामुळे उन्हाळ्यासाठी आरोग्यदायी पेय आहे. याशिवाय बेल सरबत पचायला सोपे असते. हे शरीराला हायड्रेट ठेवण्याचे काम करते.

सत्तू;

सत्तू हे ऊर्जेचे पॉवरहाऊस आहे. यामध्ये लोह, सोडियम, मॅग्नेशियम, मॅंगनीज आणि प्रथिने मुबलक प्रमाणात असतात. याशिवाय सत्तूमध्ये फायबर भरपूर प्रमाणात असते. हे पचनसंस्था (Digestive system) निरोगी ठेवण्यास मदत करते