High Blood Pressure : अचानक बीपी वाढल्यानंतर दिसतात ही लक्षणे, चुकूनही दुर्लक्ष करु नका; अन्यथा...

High Blood Pressure Symptoms :

चुकीच्या जीवनशैलीमुळे हल्ली अनेक लोक उच्च रक्तदाबाच्या समस्येला बळी पडताना दिसून येत आहे. दिवसेंदिवस हा आजार वाढता दिसून येत आहे. पूर्वी हा आजार वयोवृद्धांमध्ये दिसून यायचा. मात्र सध्या या आजाराचा त्रास तरुणांनाही होत आहे.

अनेक वेळा लोक हाय बीपीचे शिकार होताना दिसून येत आहे. मात्र या आजाराची लक्षणे कोणती हे पटकन समजत नाही. त्यासाठी काय काळजी घ्यायला हवी जाणून घेऊया. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. उच्च रक्तदाब म्हणजे काय?

सामान्य रक्तदाब हा 120/80 मानला जातो. यापेक्षा जास्त बीपीची पातळी वाढल्यानंतर उच्च रक्तदाब म्हणतात. आजच्या जमान्यात 130/80 हे देखील नॉर्मल बीपी मानले जाते. डब्ल्यूएचओच्या मते, जर रक्तदाब 140/90 किंवा त्याहून अधिक वाढला तर तो उच्च रक्तदाब मानला जातो.

2. उच्च रक्तदाब वाढल्यास ही लक्षणे दिसून येतात

1. तीव्र डोकेदुखी (Headache) हे देखील उच्च रक्तदाबाचे लक्षण आहे, परंतु आजकाल लोक तणाव आणि थकवा समजून त्याकडे दुर्लक्ष करतात. जर तुम्हाला सतत तीव्र डोकेदुखी होत असेल तर तुम्ही ताबडतोब डॉक्टरांशी संपर्क साधावा.

2. पुन्हा पुन्हा तहान लागल्यास. पाणी प्यायल्यानंतर तोंडाला कोरडेपणा जाणवत असला तरी त्याकडे दुर्लक्ष करू नका. हे उच्च रक्तदाबाचे लक्षण असू शकते. खरतर हाय बीपी मध्ये जास्त घाम येतो.त्यामुळे डिहायड्रेशन (Dehydration) होते आणि पुन्हा पुन्हा तहान लागते.

3. थकवा जाणवणे आणि उलट्या होणे ही देखील रक्तदाब वाढण्याची लक्षणे आहेत. अशा परिस्थितीत तुम्ही लगेच बीपी (Blood Pressure) तपासले पाहिजे. जर बीपी जास्त असेल आणि तुम्हाला आधीच औषध लिहून दिली असतील तर तुम्ही औषधे घेऊ शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा