Skin Care Tips : उन्हामुळे त्वचा खराब होते ? तर 'या' घरगुती फेस पॅकचा वापर करा

Skin Care Tips : उन्हापासून त्वचेचा बचाव करण्यासाठी आपण वेगवेगळे प्रयोग करतो पण तरीही तुम्हाला त्वचेच्या समस्या येतच राहतात.

महागड्या प्रॉडक्टचा वापर करूनही या समस्या पासून आराम मिळत नाही. त्यामुळे आता घरगुती फेसपॅकचा वापर करून पहा तुम्हाच्या त्वचेच्या समस्या दूर होतील आणि आराम मिळेल.चला तर मग जाणून घेऊया काही घरगुती फेसपॅक बद्दल.

1. तांदळाचा (Rice) फेस पॅक

तांदळाचे पीठ अगोदर तयार करून घ्या. एका वाटीत एक चमचा चंदन पावडर आणि अर्धा चमचा मध घ्या. आता त्यात तांदळाचे पीठ टाकून छान पेस्ट बनवून घ्या ही पेस्ट आता चेहऱ्याला लावून दहा-पंधरा मिनिटांनी पाण्याने (Water) धुऊन घ्या.

2. पपई फेस पॅक

हा पॅक बनवण्यासाठी पपईचा पल्प मॅश करून घ्या. आता त्यात एक संत्री चा रस काढून हे दोन्ही गोष्टी एकजीव करून घ्या आणि हे तयार झालेली पेस्ट संपूर्ण चेहऱ्याला लावा. दहा पंधरा मिनिटांनी चेहरा पाण्याने धुवून घ्या.

3. बेसन फेस पॅक

एका भांड्यात एक चमचा बेसन घेऊन त्यात कच्चे दूध (Milk) मिक्स करून घ्या. आता हे तयार पेस्ट चेहऱ्यावर लावा साधारणपणे पंधरा मिनिटं चेहऱ्यावर ठेवा त्यानंतर तुमचा चेहरा (Skin) स्वच्छ पाण्याने धुवून घ्या.

4. दहीचा वापर

चेहऱ्यावर दह्याने मसाज करा आणि काही वेळाने चेहरा धुवून कॉटनच्या कपड्याने स्वच्छ पुसून घ्या याचा वापर केल्याने तुम्हाला टॅनिंगच्या समस्येपासून आराम मिळेल.

5. बटाट्याचा (Potatoes) फेस पॅक

हा फेसपॅक बनवण्यासाठी सर्वप्रथम बटाटे धुऊन किसून घ्या आणि आता त्यात लिंबाचा रस घाला. हे तयार मिश्रण चेहऱ्यावर लावा आणि दहा पंधरा मिनिटे झाल्याने पाण्याने स्वच्छ धुवा.

6. एलोवेरा जेलचा वापर

तुम्ही तुमच्या रोजच्या नियमित रुटीनमध्ये स्किन केअर म्हणून एलोवेरा जेलचा समावेश करू शकता. सनबर्न पासून आराम मिळवण्याचा हा एक सोपा पर्याय आहे हा तुम्ही सहज फॉलो करू शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.