D2M: ना सिम ना इंटरनेट, तरीही व्हिडिओ कॉल करणं शक्य, कसं? घ्या जाणून

Video Calling Without Internet And Sim

जर तुम्हाला व्हिडिओ कॉल करायचा असेल तर तुम्ही काय करता? तुम्ही तुमच्या फोन किंवा लॅपटॉपमधील काही व्हिडिओ कॉलिंग अॅपची मदत घेता. जर आपण मोबाईल फोनद्वारे व्हिडीओ कॉल करणार असाल तर वायफाय इंटरनेट किंवा सिम नेटवर्क (Video Calling), अशी एक गोष्ट असणं आवश्यक आहे. पण भविष्यात असं होणार नाही. यासाठी नवा पर्याय आता आपल्या समोर येतोय. (latest marathi news)

डायरेक्ट-टू-मोबाइल

लवकरच फोन वापरकर्ते इंटरनेट आणि सिमकार्डशिवायही व्हिडिओ कॉलिंग करू शकतील . D2M (डायरेक्ट-टू-मोबाइल) सेवेमुळे हे (Video Calling) शक्य होणार आहे. माहिती आणि प्रसारण सचिव अपूर्व चंद्रा यांनी दिलेल्या माहितीनुसार, देशातील 19 शहरांमध्ये या सेवेची चाचणी घेतली जाणार आहे. या तंत्रज्ञानाचा मोठा फायदा असा होईल की देशातील सुमारे 30 टक्के वाहतूक D2M सेवेकडे वळेल, ज्यामुळे 5G नेटवर्कमधील समस्या दूर होईल. या सेवेची चाचणी घेण्यासाठी गेल्या वर्षी पायलट प्रोजेक्ट बेंगळुरू आणि नोएडामध्ये राबविण्यात आले होते.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

डायरेक्ट-टू-मोबाइल सेवा म्हणजे काय

भारतात नवीन तंत्रज्ञानावर काम केलं जातंय. ज्याद्वारे सहजपणे व्हिडिओ कॉल करता येतात. D2M तंत्रज्ञानांतर्गत, मोबाइल डिव्हाइसमध्ये एक लहान रिसीव्हर जोडला जाणार आहे. हा रेडिओ फ्रिक्वेन्सीद्वारे ब्रॉडकास्ट डेटा पकडेल आणि वापरकर्ते एकमेकांशी कनेक्ट होऊ शकतील.

डायरेक्ट-टू-मोबाइल (D2M) सेवा हे एक नवीन तंत्रज्ञान आहे जे इंटरनेट कनेक्शनशिवाय मोबाइल डिव्हाइसवर थेट टीव्ही आणि व्हिडिओ पाहण्याची परवानगी देते. हे तंत्रज्ञान एफएम रेडिओसारखे कार्य करते, जे मोबाइल डिव्हाइसवर ऑडिओ प्रसारित करण्यासाठी रेडिओ सिग्नल वापरते.

D2M सेवेचे फायदे

D2M सेवेचे अनेक फायदे आहेत. प्रथम ते इंटरनेट कनेक्शनची आवश्यकता काढून टाकते. त्यामुळे ते दुर्गम भागात राहणाऱ्या लोकांसाठी अधिक योग्य आणि सुलभ आहे. यामुळे व्हिडिओ प्रवाहाची गुणवत्ता सुधारू शकते, कारण ते इंटरनेटवर अवलंबून नाही. तिसरे, ते मोबाइल डेटा वापर कमी करू शकते. D2M सेवा अजूनही भारतात विकसित केली जात आहे. D2M सेवेला प्रोत्साहन देण्यासाठी भारत सरकारने स्पेक्ट्रमचा लिलाव केला आहे. D2M सेवा लवकरच भारतात उपलब्ध होईल अशी अपेक्षा आहे.

D2M सेवा कुठे उपयोगी पडेल

आव डते टीव्ही चॅनेल आणि इंटरनेटवर व्हिडिओ पाहण्यासाठी D2M सेवेचा वापर केला जावू शकतो. D2M सेवा वापरून, सरकार आपत्ती आणि इतर आपत्कालीन परिस्थितींबद्दल सूचना पाठवू शकतात. D2M सेवेचा वापर करून, शाळा आणि महाविद्यालये ऑनलाइन अभ्यासक्रम वितरित करू शकतात. शिक्षण आणि मनोरंजनासाठी सरकार D2M सेवा देखील वापरू शकते.