Chocolate Ice Cream Recipe: घरच्याघरी बनवा थंडगार चॉकलेट आयस्क्रीम; वाचा सिंपल रेसिपी

आज नॅश्नल चॉकलेट आयस्क्रीम डे आहे. चॉकलेट आयस्क्रीम असं नाव जरी ऐकलं तरी ती आयस्क्रीम खाण्याची इच्छा होते. आता बातमी वाचताना तुम्हाला देखील चॉकलेट आयस्क्रीम खावीशी वाटत असणार. चॉकलेट आयस्क्रीम सर्वाधिक पसंतीची आयस्क्रीम आहे. तुम्हाला देखील ही आयस्क्रीम जास्त आवडत असेल तर त्याची रेसिपी आज जाणून घेऊ.

चॉकलेट आयस्क्रीम बनवण्यासाठी साहित्य

२ चमचे कोटो पावडर

१ १/२ कप दूध

४ चमचे साखर

१ कप आयस्क्रीम

इसेन्स आवडीनुसार

कृती

सर्वात आधी पातेल्यात एक कप दूध टाकून घ्या.

त्यानंतर थोडं दूध कोको पावडरमध्ये मिक्स करा आणि त्याची वेगळी पेस्ट बनवून घ्या.

त्यानंतर दूधामध्ये साखर मिक्स करा आणि गॅसवर तापण्यासाठी ठेवा.

साखर विरघळली की यामध्ये कोको पावडरची पेस्ट मिक्स करा.

त्यानंतर दूधात कोको पावडर पेस्ट छान मिक्स करून घ्या आणि दूध तापत राहूद्या.

दूध जास्तवेळ तापवा. किमान दूधाची कॉन्टीटी आर्धी होईपर्यंत तापवून घ्या.

त्यानंतर व्हाइट क्रीम आणि आयसक्रीम यामध्ये साखर टाकून मिक्सरला छान फिरवून घ्या.

आता मिक्सरमधील मिश्रण देखील कोको पावडरच्या दूधात मिक्स करून घ्या.

मिश्रण थंड झाल्यानंतर आयक्रीम कोनमध्ये सर्व भरून घ्या आणि थंड होण्यासाठी फ्रिजरमध्ये ठेवा.

तयार झाली तुमची झटपट चॉकलेट आयस्क्रीम. ही आयस्क्रीम लहान मुलांसह घरामध्ये प्रत्येकाला आवडेल. बाहेर मिळणाऱ्या आयस्क्रीमवर एक्सपायरी डेट लिहिलेली असते. मात्र तरी देखील त्यात काही केमीकल युक्त पदार्थ मिक्स केले जातात. बाहेरची आयस्क्रीम खाल्ल्यानंतर अनेक व्यक्तींना घसा दुखण्याच्या समस्या होतात.

घसा दुखणे, सर्दी आणि खोकला सारख्या समस्या देखील जाणवतात. त्यामुळे अशा गरमीमध्ये घरच्याघरी बनवलेली आयस्क्रीम खाणे आरोग्यासाठी चांगले आहे. याने तुम्हाला कोणत्याही अडचणींचा सामना करावा लागणार नाही.