Recipes In 5-minute: नाश्त्याला बनवा झटपट मसाला चीज ब्रेड; 5 मिनिट्स रेसिपी

Breakfast Recipes In Marathi:

सकाळी सकाळी सर्वांच्या घरी मोठी धावपळ असते. शाळा, कॉलेज, ऑफिसला वेळेत पोहचण्यासाठी सर्वजण घाईमध्ये असतात. अशात सकाळच्या नाश्त्यात काय बनवावे याचं मोठं टेन्शन असतं. कारण सकाळी वेळ कमी असल्याने झटपट काहीतरी बनवावे लागते. त्यामुळे आज आम्ही तुमच्यासाठी अगदी 5 मिनिटांत तयार होणारी मसाला चीज ब्रेड रीसिपी घेऊन आलो आहोत. ही रेसिपी अगदी सिंपल आणि सोप्पी आहे.

मसाला चीज ब्रेड असं या डिशचं नाव आहे. त्यासाठी लागणारे साहित्य पुढीप्रमाणे

ब्रेड

चीज

मलासा

तेल

बटर

मीठ

कोथिंबीर

अशा फक्त 7 गोष्टींची आवश्यकता आहे.

कृती

मसाला चीज ब्रेड बनवण्यासाठी सर्वात आधी एक पॅन घ्या. त्यात ब्रेड गोलाकार कट करून ठेवा. पॅनवर थोडं बटर टाका. त्यानंतर त्यात मसाला, मीठ आणि बारीक चिरलेली थोडीशी कोथिंबीर टाका. हे सर्व मिश्रण एकजीव करा आणि 1 मिनिट गॅसवर गरम होऊ द्या. पुढे यामध्ये गोलाकार कापलेले ब्रेड ठेवा. सर्व मसाला या ब्रेडला लावून घ्या.

आता तुम्ही या बेडवर फक्त चीज टाकून खाऊ शकता. किंवा त्यावर ब्रेड एका सँडविच पॅनमध्ये ठेवा. त्यात आधी थोडे बटर लावा. त्यानंतर पॅनवर तयार ब्रेड ठेवा. पुढे या ब्रेडमधील एका स्लाइसवर चीज किसून टाका. आणि त्यावर दुसरा एक ब्रेड स्लाइस ठेवा. 2 मिनिटे गरम झाल्यावर तयार झाला तुमचा ब्रेड चीज मसाला.

ही डिश तुम्ही तुमच्या मुलांना देखील टिफीनमध्ये देऊ शकता. काहीतरी वेगळं असल्याने लहान मुलं देखील आवडीने खातात. या ब्रेडसोबत सॉस किंवा दुसरी एखादी चटणी हवी असेही नाही. तुम्ही नुसता हा ब्रेड खाल्ला तरी चवीला छान लागतो. ही रेसिपी इतकी सोप्पी आहे की मुलं देखील घरी आई नसताना झटपट बनवू शकतात.