Asthma Side Effects : अस्थमामुळे होऊ शकतो का आपल्या लैंगिक जीवनावर परिणाम ? यावर मात कशी कराल?

Asthma Side Effects : वाढत्या प्रदूषणामुळे श्वासोच्छवासाचा त्रास सध्या अतिप्रमाणात वाढला आहे. ज्यामुळे धोका निर्माण होऊ शकतो. कोणत्याही प्रकारचे प्रदूषण आणि धुळीच्या कणांमुळे दम्याचा त्रास होऊ शकतो. त्यामुळे कोणत्याही अस्थमाग्रस्त व्यक्तीच्या दैनंदिन दिनचर्येवर वाईट परिणाम होऊ शकतो. पण तुम्हाला माहीत आहे का की अस्थमाचा लैंगिक जीवनावरही वाईट परिणाम होतो?

कधीकधी लैंगिक संबंधादरम्यान दम्याची लक्षणे दिसू शकतात. त्यामुळे जर तुम्हाला दम्याचा त्रास होत असेल तर सेक्स करताना अधिक काळजी (Care) घ्यावी. कारण सेक्स करताना घेतलेली थोडीशी निष्काळजी तुमची समस्या खूप वाढवू शकते.

सेक्स दरम्यान दम्याची लक्षणे (Symptoms) तीव्र कशी असतात ?

सेक्स हा कोणत्याही व्यक्तीसाठी उच्च तीव्रतेच्या व्यायामासारखा असतो. ज्यामध्ये तुमच्या श्वासाची गती आणि हृदयाचे ठोके वाढतात. सेक्स करणे म्हणजे उच्च कॅलरी बर्निंग व्यायामासारखे आहे. म्हणून जर तुम्ही आधीच श्वासोच्छवासाच्या समस्यांशी सामना करत असाल, तर ते तुमच्या लक्षणांना आणखी चालना देऊ शकते.

श्वास लागणे, खोकला, अस्वस्थ वाटणे, छातीत दुखणे यासारखी लक्षणे तुम्हाला दमा असल्याचे दर्शवतात. सेक्स दरम्यान हे प्रमाण वाढले तर तुमचा दमा नियंत्रणाबाहेर जात असल्याचे लक्षण आहे. त्यामुळे त्याकडे लक्ष देणे गरजेचे आहे. पण याचा अर्थ असा नाही की तुम्ही सेक्स करू शकत नाही. यासाठी तुम्हाला फक्त काही गोष्टी लक्षात ठेवाव्या लागतील.

यामुळे दम्याचा त्रास होऊ शकतो -

1. भावनांमध्ये बदल झाल्यामुळे. आवश्यकतेपेक्षा जास्त उत्साही असणे.

2. परफ्यूमचा वास, संभोग करताना वापरल्या जाणार्‍या मेणबत्ती तेलामुळे देखील दम्याची लक्षणे वाढतात.

3. जर तुम्हाला लेटेक्सची ऍलर्जी असेल तर सेक्स दरम्यान वापरलेले कंडोम दम्याच्या लक्षणांना चालना देऊ शकतात.

4. काही सेक्स पोझिशनमुळे श्वास घेण्यास त्रास होऊ शकतो.

5. यासोबतच घरातील किंवा खोलीतील धूळ, घाण, सिगारेटचा धूर इत्यादीमुळेही ही लक्षणे उद्भवतात.

सेक्स दरम्यान दम्याची लक्षणे दिसू लागल्यास काय करावे ?

संभोग करताना दम्याची लक्षणे तीव्र होत असल्यास, त्यावर ताबडतोब नियंत्रण आणि शांत करण्यासाठी इनहेलर किंवा तुमच्या सोयीच्या इतर पद्धती वापरा.

1. तुमच्या जोडीदाराला ताबडतोब सांगा आणि त्यांना थांबायला सांगा.

2. यावेळी तुम्ही तुमच्या शरीराला पुरेशी विश्रांती द्यावी. जोपर्यंत तुम्हाला बरे वाटत नाही तोपर्यंत पुन्हा कृती करू नका.

3. इनहेलर वापरा.

4. एकदा समस्या सुरू झाली की त्या दिवशी पुन्हा सेक्स करू नका. अन्यथा समस्या पुन्हा ट्रिगर होऊ शकते.

5. तुम्हाला कोणत्याही पोझिशनमध्ये सेक्स करताना त्रास होत असेल तर ती पोझिशन टाळा. अन्यथा यामुळे तुमचा दम्याचा भडका वाढू शकतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या तज्ज्ञांशी संपर्क साधा