Yugendra Pawar Wedding: पवार कुटुंबात सनई-चौघडे वाजले! युगेंद्र पवार विवाहबंधनात अडकले; लग्नाचे UNSEEN फोटो पाहा

राष्ट्रवादी काँग्रेस शरद पवार गटाचे नेते युगेंद्र पवार यांचा काल शाही विवाह सोहळा पार पडला. ३० नोव्हेंबर रोजी जिओ सेंटरमध्ये हा लग्न सोहळा होता.

युगेंद्र पवार यांनी तनिष्का कुलकर्णी यांच्यासोबत लग्नगाठ बांधली आहे. त्यांच्या विवाहसोहळ्याला संपूर्ण पवार कुटुंब उपस्थित होते.

युगेंद्र यांची आत्या म्हणजेच खासदार सुप्रिया सुळे यांनी या लग्नसोहळ्याचे फोटो सोशल मीडियावर शेअर केले आहेत. सुप्रिया सुळेंनी या लग्नसोहळ्यात डान्सदेखील केला होता.

युगेंद्र पवार हे शरद पवारांचे नातू आणि श्रिनिवास पवार यांचे सुपुत्र आहेत.

युगेंद्र यांच्या पत्नी तनिष्का या मूळच्या मुंबईच्या आहेत. त्यांच्या कुटुंबाचा व्यवसाय आहे.

युगेंद्र यांच्या लग्नासाठी अजित पवारांच्या पत्नी सुनेत्रा पवार, पार्थ पवार, जय पवार आणि त्यांची होणारी पत्नी ऋतुजादेखील उपस्थित होत्या.

युगेंद्र पवारांच्या लग्नसोहळ्याला अनेक राजकीय नेत्यांनीही हजेरी लावली होती. राज ठाकरे, उद्धव ठाकरे, देंवेंद्र फडणवीस देखील आले होते.

युगेंद्र यांच्या लग्नसोहळ्याला काका अजित पवार उपस्थित नव्हते. त्यांच्या राज्यात नियोजित प्रचारसभा होत्या. त्यामुळे ते लग्नाला उपस्थित राहू शकले नाहीत, असं सांगितलं जात आहे.