Wayanad Landslide Photos: भूस्खलनामुळे अख्खी ४ गावं ढिगाऱ्याखाली दबली, ८० लोकांचा मृत्यू, अजूनही ४०० बेपत्ता

केरळच्या वायनाडमध्ये मुसळधार पावसामुळे सोमवारी रात्री भूस्खलनाची मोठी घटना घडली.

वायनाडच्या ४ वेगवेगळ्या ठिकाणी भूस्खलन झाले. यामुळे मुंडक्की, चूरालमाला, अट्टामाला आणि नूलपुझा ही गावं प्रभावित झाले आहेत.

या घटनेमध्ये आतापर्यंत ८० जणांचा मृत्यू झाला तर ११६ जण जखमी झाले आहेत. जखमींवर वेगवेगळ्या रुग्णांलयांमध्ये उपचार सुरू आहेत.

या भूस्खलनामध्ये ४०० लोकं ढिगाऱ्याखाली अडकल्याची भीती आहे. घटनास्थळावर युद्धपातळीवर बचाव कार्य सुरू आहे.

रेस्क्यूसाठी एसडीआरएफ आणि एनडीआरएफची टीम बचावकार्यामध्ये गुंतली आहे. युद्धपातळीवर सुरू आहेत.

कन्नूरवरून लष्कराचे २२५ जवान वायनाडला पाठवण्यात आले आहे. यामध्ये मेडिकल टीमचा देखील सहभाग आहे.

एअरफोर्सचे २ हेलिकॉप्टर रेस्क्यू ऑपरेशनसाठी आले होते. पण मुसळधार पाऊस आणि खराब हवामानामुळे ते परत पाठवण्यात आले.

५ वर्षांपूर्वी मुसळधार पावसामुळे या चार गावांमध्ये भूस्खलन झाले होते. यामध्ये १७ जणांचा मृत्यू झालेले तर ५ जण बेपत्ता झाले होते.

सोमवारी रात्री झालेल्या भूस्खलनात वायनाडमधील मुंडक्कई गाव सर्वात जास्त प्रभावित झाले आहे. याठिकाणी २५० जण अडकले आहेत.

मुंडक्कई गावामध्ये ६५ कुटुंब राहत होते. तर जवळच असणाऱ्या एका टी एस्टेटमधील ३५ कर्मचारी बेपत्ता आहेत.

हवामान खात्याने वायनाडव्यतिरिक्त कोझिकोड, मल्लपुरम आणि कासरगोडमध्ये पावासाचा रेड अलर्ट जारी केलाय.