SIP Calculation: दर महिन्याला ₹६,००० गुंतवा अन् ₹५ लाख मिळवा, SIP कॅल्क्युलेशन एकदम सोप्या भाषेत

आजकाल लोक मोठ्या प्रमाणात म्युच्युअल फंडांमध्ये गुंतवणूक करण्याला पहिले पसंत करत आहेत. कारण या फंडांच्या मदतीने भविष्यात आकर्षक परतावे मिळू शकतात.

म्युच्युअल फंडांवरील अपेक्षित वार्षिक परतावा १२ ते १४ टक्क्यांच्या दरम्यान असतो. म्युच्युअल फंड गुंतवणुकीसाठी SIP म्हणजेच सिस्टेमॅटिक इन्व्हेस्टमेंट प्लॅन लोक निवडतात.

योग्य फंड निवडणं हे केवळ परताव्याच्या इतिहासावर अवलंबून नसतं. फंड निवडताना गुंतवणुकीचे उद्दिष्ट, वेळेचा कालावधी आणि जोखीम घेण्याची क्षमता या घटकांचा विचार करणं आवश्यक आहे.

दीर्घकालीन गुंतवणूक आणि उच्च जोखीम सहनशक्ती असलेल्यांसाठी इक्विटी फंड योग्य ठरतात, तर दोन ते तीन वर्षांसाठी गुंतवणूक करणाऱ्यांसाठी हायब्रिड किंवा डेट फंड अधिक योग्य असतात.

याशिवाय, फंडाचे शुल्क, व्यवस्थापकांची कामगिरी आणि बाजारातील बदलांदरम्यान परताव्याचे स्थैर्यही पाहणे गरजेचे आहे. योग्य विश्लेषण केल्यास SIP गुंतवणूक दीर्घकाळात चांगले उत्पन्न देऊ शकते.