Bangladesh Taj Mahal: बांगलादेशला बांधायचा होता जगातील दुसरा 'ताजमहाल', पण प्रयत्न फसला; पाहा फोटो...

भारतात असणारा ताजमहाल हा जगातील सर्वात सुंदर वास्तू आणि जगातील ७ आश्चर्यांपैकी एक आहे. ताजमहाल हा प्रेमाचे प्रतीक आहे.

जगात एकच ताजमहाल आहे ज्याला भारताचा ताज असेही म्हणतात. जगात अनेक वेळा ताजमहालसारखी सुंदर वास्तू उभारण्याचे प्रयत्न झाले पण आजपर्यंत कोणाला यश मिळालेले नाही.

भारताच्या शेजारचा देश बांगलादेशने देखील ताजमहालसारखी सुंदर इमारत बांधण्याचा प्रयत्न केला होता. परंतु तो अपयशी ठरला.

त्याठिकाणी सध्या असलेल्या ताजसदृश वास्तूला बांगलादेशचा ताजमहाल म्हटले जात असले. तरी देखील हा जगासाठी चेष्टेचा विषय ठरला आहे.

आज सोशल मीडियावर नेटकरी बांगलादेशात बांधलेल्या वास्तूला गरिबांचा ताजमहाल म्हणतात. हा ताजमहल ढाकापासून सुमारे ३० किलोमीटर अंतरावर आहे.

बांगलादेशी चित्रपट निर्माता अहसानुल्ला मोनी यांनी या ताजमहलची निर्मिती केली होती. ही वास्तू बनवायला ५ वर्षे लागली.

हा ताजमहल जवळपास १.६ हेक्टरमध्ये पसरलेला आहे. २००३ मध्ये हा ताजमहल बांधायला सुरूवात झाली हे काम २००८ मध्ये पूर्ण झाले. त्यासाठी कोट्यवधी रुपये खर्च करण्यात आले.

अहसानुल्ला मोनी हे भारतातील ताजमहाल पाहून खूप प्रभावित झाले होते आणि त्यांना आपल्या देशात असाच ताजमहाल बांधायचा होता. त्यानुसार त्यांनी हा ताजमहल बांधला.

बांगलादेशमधील ताजमहल २००९ मध्ये सर्वसामान्यांसाठी खुला करण्यात आला होता. हा ताजमहल बांधण्यासाठी त्यांनी आयुष्याची संपूर्ण कमाई खर्च केली.