अनेक महिला चेहऱ्याचे सौंदर्य वाढवण्यासाठी घरगुती उपाय करतात. पण ते करताना काही गोष्टींची काळजी घेणे गरजेचे आहे.
असे काही पदार्थ आहेत जे त्वचेसाठी चांगले असतात. पण ते पदार्थ चेहऱ्यावर थेट लावल्यास त्वचा खराब होऊ शकते.
टोमॅटोचा रस कधीही नुसता चेहऱ्याला लावू नये कारण त्यातील अॅसिड त्वचेचे पीएच खराब करते. त्यामुळे त्वचा कोरडी होते.
चेहऱ्यावर टोमॅटोचा रस लावायचा असल्यास त्यामध्ये मध घालून मगच चेहऱ्यावर लावा.
बऱ्याच महिला चेहरा स्क्रब करताना साखरेचा वापर करतात. जे चुकीचे आहे. कारण साखरेचे कण आपल्या त्वचेला स्क्रॅच करून चेहऱ्याचे नुकसान करतात.
चेहऱ्यावरचे डाग कमी करण्यासाठी आपण बऱ्याच वेळा बेकिंग सोडा फेसपॅकमध्ये मिसळतो. पण यामुळे चेहऱ्याचे आरोग्य धोक्यात येते.
बेकिंग सोड्यामुळे त्वचेचे नैसर्गिक तेल कमी होऊन त्वचा कोरडी बनते.
पिंपल्स घालवण्यासाठी अनेकजण टूथपेस्टचा वापर करतात. पण असे केल्याने त्वचेची जळजळ होऊ शकते.
लिंबाचा रस देखील नुसता चेहऱ्याला लावू नये कारण यामुळे त्वचेची पीएच पातळी बिघडते आणि चेहरा अधिक संवेदनशील होतो.
मोहरीचे तेल चुकूनही चेहऱ्यावर लावू नये. यामुळे चेहरा काळवंडतो. लाल चट्टे आणि पुरळ येते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.