Janmashtami and zodiac signs: जन्माष्टमीला शनीसह ग्रह होणार वक्री; 'या' ४ राशींकडे येणार पैसाच पैसा

भाद्रपद महिन्याच्या कृष्ण पक्षातील अष्टमी तिथीला भगवान श्रीकृष्णाचा जन्मोत्सव म्हणून जन्माष्टमी साजरी केली जाते. यंदाच्या वर्षी हा पवित्र सण १६ ऑगस्ट म्हणजेच शनिवारी या दिवशी साजरा केला जाणार आहे. धार्मिक मान्यतानुसार, भगवान श्रीकृष्णाचा जन्म मध्यरात्री अष्टमी तिथीला झाला होता. त्यामुळे भक्त या दिवशी उपवास, पूजन आणि रात्रीच्या वेळी जन्मोत्सवाचा सोहळा साजरा करतात.

ज्योतिषांच्या मते, यंदाच्या कृष्ण जन्माष्टमीला ग्रहांचा अत्यंत अद्भुत संयोग घडणार आहे. या दिवशी शनी, राहू आणि केतु वक्री स्थितीत राहणार आहेत. याशिवाय बुध मार्गी अवस्थेत असेल. ज्योतिषशास्त्रानुसार या चार ग्रहांची ही स्थिती काही राशींकरिता अतिशय लाभदायक ठरणार आहे.

वृषभ रास

वृषभ राशीच्या जातकांसाठी यंदाची जन्माष्टमी आर्थिक दृष्ट्या शुभ ठरणार आहे. धनलाभाच्या अनेक संधी मिळू शकणार आहेत. नशीब साथ देणार आहे. त्याचप्रमाणे अडकलेली कामं पूर्ण होणार आहेत.

सिंह रास

सिंह राशीच्या लोकांसाठी हा दिवस अत्यंत मंगलकारी ठरणार आहे. कामाच्या ठिकाणी सहकाऱ्यांचा पूर्ण पाठिंबा मिळेल आणि प्रत्येक कार्यात यश मिळणार आहे. नोकरीत बढती आणि आर्थिक लाभाच्या संधी मिळणार आहे.

तूळ रास

तूळ राशीच्या जातकांना या दिवशी समाजात मान-सन्मान मिळण्याची शक्यता आहे. नवीन कामांची सुरुवात करण्याची संधी लाभणार आहे. घरातील आणि वैयक्तिक जीवनात सुख-समृद्धी वाढेल तसेच प्रतिष्ठेतही भर पडण्याची शक्यता आहे.

मीन रास

मीन राशीच्या लोकांसाठीही कृष्ण जन्माष्टमी शुभ फलदायी ठरणार आहे. भगवान श्रीकृष्णाच्या कृपेने जीवनात आनंद आणि समृद्धी येणार आहे. आरोग्य उत्तम राहील आणि प्रत्येक क्षेत्रात यश मिळू शकणार आहे.