Horoscope Today Marathi : नोव्हेंबरच्या पहिल्या दिवशी कुणावर होणार धन अन् सुखाचा वर्षाव? वाचा आजचे राशीभविष्य

आजचे पंचांग -

शुक्रवार,१ नोव्हेंबर २०२४,

अश्विन कृष्णपक्ष,लक्ष्मी कुबेर पूजन,अभ्यंगस्नान.

तिथी- अमावस्या १८|१७

रास- तुला

नक्षत्र- स्वाती

योग- प्रीतीयोग

करण- नागकरण

दिनविशेष- आनंदी दिवस

मेष - जोडीदाराबरोबर आज आनंदाचे क्षण अनुभवाल .कौटुंबिक वातावरण सुखाचे आनंदाचे राहील. लक्ष्मीचे पाय नक्कीच दारी लागतील.व्यवसाय आणि व्यापारात भरभराटीची लक्षणे आहेत.

वृषभ - थोडे आपल्या ऐवज आणि जिन्नस यांची आज काळजी घ्यावी. बेफिकीरपणे वागणे आज त्रासाचे ठरू शकेल. कल्पनेचे मजले बांधू नका. नोकर लोकांपासून सावध राहा.

मिथुन - विशेष पैसा लॉटरी आणि शेअर्समध्ये आज दिसतो आहे. यामध्ये पैसे गुंतवायला हरकत नाही. संतती बद्दल सुवर्ता कानी येतील. दिवस सुखाचा जाणार आहे.

कर्क- दिवाळीची सुरुवात जोरदार होताना दिसत आहे. घरी नवीन वस्तूंची खरेदी होईल. कुटुंबीयांबरोबर आनंदाने दिवस घालवाल. एकमेकांचा आदर कराल.

सिंह- भावंडांकडून विशेष धनलाभाची शक्यता आहे. केलेल्या गोष्टींमध्ये यश मिळेल. कर्तुत्व फुलून येईल. मन आनंदी होऊन जाईल.

कन्या- पैशाची आवक-जावक चांगली राहील. घरातील पैसे वाढीस लागतील. योग्य ठिकाणी गुंतवणूक फायदेशीर ठरेल. लक्ष्मीची कृपा सातत्याने आपल्यावर राहणार आहे.

तूळ - आपल्या राशीची देवताच भगवती आहे, लक्ष्मी आहे. आज हिचा कृपाहस्त विशेष आपल्यावर राहणार आहे. अलंकार, साजशृंगार यामधून आपले व्यक्तिमत्व अजूनच उठावदार होणार आहे. मन खुश होऊन जाईल.

वृश्चिक- पैसे जास्त खर्च करण्याचे आज योग दिसत आहेत. यासाठी जरा हात आखडता घेतला तर बरे होईल. आज लक्ष्मीपूजनाचा दिवस पैसे साठवा आणि वाढवा.

धनु - जुन्या केलेल्या गोष्टीमधून लाभवृद्धी आज दिसते आहे. नातेवाईकांबरोबर आनंदाने दिवस घालवाल. आपण केलेल्या कामांचे श्रेय सगळे देव देताना दिसत आहे.

मकर- कामाला जरी सुट्टी असेल तरी कामाच्या ठिकाणी नवीन चांगल्या गोष्टी कानावर येतील. ज्याच्यामधून करिअरमध्ये प्रगती दिसते आहे. लक्ष्मीची कृपा विशेष राहील.

कुंभ - भाग्य आज आपल्या झोळीमध्ये खूप छान गोष्टी घालणार आहे. लक्ष्मी विष्णू ची कृपा राहील. याची विशेष उपासना करा. इतरांना आपल्याबद्दल हेवा वाटते अशा चांगल्या गोष्टी आयुष्यात आज घडतील.

मीन- काळ्या पैशाच्या मागे लागू नका. त्रासाचे ठरू शकते. सचोटीने आणि योग्य बाजूने मिळणाऱ्या पैशाला कौल द्या. आयुष्यामध्ये कशाची कमी पडणार नाही. लक्ष्मीची कृपा राहीलच.