आतापर्यंत तुम्ही वजन कमी करण्यासाठी आणि व्यवस्थापनासाठी बर्‍याच गोष्टींचा प्रयत्न केला आहे. व्यायाम करणे, कॅलरी नियंत्रित करणे किंवा डीटॉक्स चहा पिणे, काहीतरी आपल्या कामी आले असेल. वजन कमी करण्याचा अर्थ असा आहे की चांगल्या प्रमाणात पोषक द्रव्यांसह कॅलरी कमी असलेले पदार्थ खाणे. आणि अशेच पदार्थ शोधत असताना, वजन कमी करण्यासाठी 'सलाड' एक परिपूर्ण साधन आहे. तुमच्या डायटलिस्टमध्ये सलाडला टाकण्यासाठी एक रेसिपी घेऊन आलो आहोत. (This salad will be a boon for weight loss)
हे सलाड पौष्टिक असून वजन कमी करण्यासाठी ते फायद्याचे आहे. अननस व्हिटॅमिन सी चा समृद्ध श्रोत म्हणून ओळखले जाते. ज्यामध्ये ऑक्सिडेंट असतात, जे रोगांशी लढायला मदत करतात, पचन आणि रोग प्रतिकारशक्ती वाढवू शकतात. गाजर दृष्टी, डोळ्यांचे आरोग्य, पचन आणि बद्धकोष्ठतेस मदत करते.
हे देखील पाहा
अननस आणि गाजराच्या असंख्य फायद्यांसह, खसखस आपल्या आहारात नवीन भर घालते. ते पचन सुधारण्यासाठी, रक्तदाब नियंत्रित करण्यासाठी, डोळ्यांसाठी उत्कृष्ट आणि मधुमेहासाठी मदत करणारे म्हणून ओळखले जातात. अननस, गाजर आणि खसखस या तिन्ही गोष्टी एकत्र केल्यामुळे यांचे सलाड बनविणे सोपे आहे आणि आपल्याला बर्‍याच प्रकारे वजन कमी करण्यासाठी मदत करू शकते.
हे सलाड बनवण्यासाठी तुम्हाला दोन गाजर, अननसाचे काही तुकडे, एक मूठभर सुक्या क्रेनबेरी, सहा ते सात पुदीना पाने, अर्धा कप ताज्या संत्राचा रस, दोन चमचे ग्रीक दही, एक चिमूटभर हळद आवश्यक आहे. त्याचबरोबर, एक चमचे खसखस, मध आणि लिंबाचा रस, अर्धा चमचा मीठ आणि काही रोस्टेड अक्रोड आवश्यक आहे. प्रथम गाजर आणि अननस बारीक कापून घ्या आणि त्यांना एका बाऊलमध्ये घ्या. त्यामध्ये क्रॅनबेरी आणि पुदीना पाने घाला. ड्रेसिंगसाठी संत्र्याचा रस, मध, ग्रीक दही, हळद, खसखस, लिंबाचा रस आणि मीठ घ्या. सर्व साहित्य मिक्स कराव. मग हे आपल्या सलाडवर टोस्टेड अक्रोडाचे तुकडे घाला. हे सर्व मिसळा आणि आनंद घ्या!
Edited By : Pravin Dhamale
ताज्या बातम्यासाठी भेट द्या
Website - https://www.saamtv.com/
Twitter - https://twitter.com/saamTVnews
Facebook- https://www.facebook.com/SaamTV
ताज्या व्हिडिओंसाठी पहा
युट्यूब - https://www.youtube.com/channel/UC6cxTsUnfSZrj96KNHhRTHQ
टेलिग्राम - https://t.me/SaamNews
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.