Ekta Kapoor: सैनिकांचा अपमान करूनही एकता कपूरवर कारवाई का नाही? पोलिसांनी सांगितलं कारण

Ekta Kapoor Case: एकता कपूरच्या अल्ट बालाजी या स्ट्रीमिंग प्लॅटफॉर्मवरील वेब सिरीजवर सैनिकांचा अपमान केल्याचा आरोप होता. या प्रकरणात, युट्यूबर विकास पाठक उर्फ हिंदुस्तानी भाऊने एकता कपूरविरुद्ध खटला दाखल केला होता. त्याच प्रकरणात, मुंबई पोलिसांनी आता न्यायालयाला सांगितले आहे की एकता कपूरविरुद्धच्या आरोपांमध्ये कोणताही गुन्हा आढळला नाही.

या कारणास्तव कोणतीही कायदेशीर कारवाई करण्यात आली नाही

पीटीआयच्या मते, पोलिस अहवालात असे म्हटले आहे की कोणत्याही अधिकाऱ्याने किंवा सैन्य दलाच्या अधिकाऱ्याने एकता कपूर किंवा ओटीटी प्लॅटफॉर्मविरुद्ध तक्रार दाखल केलेली नाही, त्यामुळे कोणतीही कायदेशीर कारवाई करण्यात आलेली नाही.

हिंदुस्तानी भाऊ यांनी खटला दाखल केला होता

युट्यूबर विकास पाठक उर्फ हिंदुस्तानी भाऊने वांद्रे दंडाधिकारी न्यायालयात खाजगी तक्रार दाखल केली होती. त्यात म्हटले आहे की एकता कपूर आणि ओटीटी प्लॅटफॉर्मने वेब सिरीजमध्ये एक आक्षेपार्ह दृश्य चित्रित केले आहे, ज्यामध्ये भारतीय सैन्याच्या गणवेशाचा अपमान केला आहे. त्यानंतरच दंडाधिकाऱ्यांनी खार पोलिसांना चौकशी करून अहवाल सादर करण्याचे निर्देश दिले. या महिन्याच्या सुरुवातीला सादर केलेल्या अहवालात म्हटले आहे की या प्रकरणात मध्य प्रदेशातही गुन्हा दाखल करण्यात आला आहे. एकता कपूर व्यतिरिक्त, विकास पाठकने तक्रारीत तिचे पालक शोभा आणि जितेंद्र कपूर, अल्ट बालाजी प्रॉडक्शन यांचे नावही घेतले होते.

पोलिसांना तपासात काय आढळले

हिंदुस्तानी भाऊने तक्रारीत सांगितले होते की एकता कपूर अल्ट बालाजी या स्ट्रीमिंग प्लॅटफॉर्मची संचालिका आहे, परंतु पोलिस अहवालात म्हटले आहे की, ती अल्ट बालाजी स्ट्रीमिंग प्लॅटफॉर्मची नव्हे तर बालाजी टेलिफिल्म्सची संचालिका आहेत. त्यानुसार तक्रारदाराने केलेल्या आरोपांमध्ये कोणताही गुन्हा आढळला नाही असे अहवालात म्हटले आहे.

त्याचवेळी, हिंदुस्तानी भाऊ उर्फ विकास पाठकचे वकील अली काशिफ खान देशमुख म्हणाले, एकाच मुद्द्यावर वेगवेगळ्या राज्यात गुन्हेगारी खटले नोंदवण्यास कोणताही प्रतिबंध नाही, एक आरोपी अनेक खटले एकत्र करण्यासाठी अर्ज करू शकतो. तक्रारीनुसार, अल्ट बालाजीवरील एका वेब सिरीजमध्ये एका लष्करी अधिकाऱ्याला चुकीचे काम करताना दाखवण्यात आले. विकास पाठकच्या तक्रारी नुसार हा भाग त्याने मे २०२० मध्ये पाहण्यात आला होता.