Sangli News : सांगली येथील अखिल महाराष्ट्र नाट्य विद्यामंदिर समिती यांच्यावतीने आज (मंगळवार) रंगभूमी क्षेत्रातील मानाचा समजला जाणारा विष्णुदास भावे पदक पुरस्कार ज्येष्ठ अभिनेते प्रशांत दामले (vishnudas bhave gaurav padak puraskar declared to marathi actor prashant damle) यांना जाहीर करण्यात आला आहे. रंगभूमी दिनी सांगली येथे या पुरस्काराचे वितरण केले जाणार असल्याची माहिती समितीने साम टीव्हीशी बाेलताना दिली. (Maharashtra News)
अखिल महाराष्ट्र नाट्य विद्यामंदिर समितीचे अध्यक्ष शरद कराळे म्हणाले विष्णुदास भावे पदक पुरस्कार यंदा ज्येष्ठ अभिनेते प्रशांत दामले यांना दिला जाणार आहे. गौरव पदक, 25 हजार रुपये रोख आणि श्रीफळ असे या पुरस्काराचे स्वरुप आहे.
शरद कराळे म्हणाले रंगभूमीवरील उल्लेखनीय कामगिरीबद्दल दरवर्षी हा पुरस्कार दिला जातो. आता पर्यंत बालगंधर्व पासून रोहिणी हट्टंगडी या व अशा मराठी रंगभूमीवरील अनेक दिग्गज कलाकारांना विष्णूदास भावे गौरव पदक पुरस्काराने सन्मानित करण्यात आले आहे. दामले यांना 5 नोव्हेंबरला रंगभूमी दिनी सांगलीत या पुरस्काराचे वितरण केले जाईल असेही कराळेंनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.