'या' मराठमोळ्या अभिनेत्रींवर साऊथचा सुपरस्टार विजय देवरकोंडाचा क्रश; म्हणाला...

मुंबई: दाक्षिणात्य चित्रपटसृष्टीतील सुपरस्टार विजय देवरकोंडा सध्या त्याच्या आगामी चित्रपटामुळे तुफान चर्चेत आहे. विजय देवरकोंडा (Vijay Deverakonda) 'लाइगर' या चित्रपटातून बॉलिवूडमध्ये पदार्पण करणार आहे. विजय देवरकोंडाचा 'लाइगर' हा चित्रपट येत्या काही दिवसांतच प्रेक्षकांच्या भेटीला येणार आहे. या चित्रपटाचे जोरदार प्रमोशन सुरू आहे. चित्रपटात विजयसोबत अभिनेत्री अनन्या पांडे दिसणार आहे. सध्या दोघेही चित्रपटाच्या प्रमोशनमध्ये व्यग्र आहेत. (Vijay Deverakonda Crush Name)

हे देखील पाहा -

पुरी जगन्नाथ दिग्दर्शित लायगर हा चित्रपट येत्या गुरूवारी २५ ऑगस्टला सिनेमागृहात प्रदर्शित होणार आहे. सध्या चित्रपटाचे जोरदार प्रमोशन सुरू आहे. चित्रपटातील कलाकार चित्रपटाच्या प्रमोशनसाठी वेगवेगळ्या ठिकाणी जात आहेत. नुकतीच त्यांनी 'डान्स रिअॅलिटी शो' मध्ये हजेरी लावली होती. यावेळी विजय देवरकोंडाने रंजक खुलासा केला आहे. ज्याची सध्या जबरदस्त चर्चा सुरू आहे.

'डान्स इंडिया डान्स ' या रिअॅलिटी शोमध्ये सुपर मॉम्सचा डान्स प्रेक्षकांच्या पसंतीस उतरला आहे. या शोमध्ये दर आठवड्याला सेलिब्रिटी आपल्या चित्रपटाच्या प्रमोशनसाठी सहभागी होत असतात. नुकतंच सुपरस्टार विजय देवरकोंडा आणि अभिनेत्री अनन्या पांडे डान्स रिअॅलिटी शोच्या एपिसोडमध्ये आले होते. दोघेही त्यांच्या आगामी 'लाइगर' चित्रपटाच्या प्रमोशनसाठी रिअॅलिटी शोमध्ये सहभागी झाले होते.

अभिनेता विजय देवरकोंडा आणि अभिनेत्री अनन्या पांडे यांनी शोमध्ये खूप धमाल केली. दरम्यान, विजयला तुझी क्रश कोण आहे? असं विचारलं असता, ९० च्या दशकातील काही अभिनेत्री आहेत. ज्यांच्यावर माझा क्रश आहे. मी उर्मिला मॅडम आणि भाग्यश्री मॅडमचा खूप मोठा चाहता आहे आणि मी आजपर्यंत त्यांचे सर्व चित्रपट आवडीने पाहिले आहेत. मी लहान असताना उर्मिला आणि भाग्यश्री मॅडम माझ्या क्रश होत्या आणि आजही आहेत, असे तो म्हणाला.

रेमो डिसूजाच्या कामाचा खूप मोठा चाहता आहे, विशेषत: 'ये जवानी है दिवानी' चित्रपटातील 'बदतमीज दिल' या गाण्यातील कोरिओग्राफी मला भावते. जेव्हा मी हे गाणं पहिल्यांदा पाहिलं तेव्हा मला वाटलं की, ज्या व्यक्तीने या गाण्याची कोरियोग्राफी केली आहे त्यांना भेटावं, असंही त्यानं सांगितलं.

विजय देवरकोंडा आणि अनन्या पांडे सध्या त्यांच्या आगामी 'लाइगर' चित्रपटाच्या प्रमोशनमध्ये व्यग्र आहेत. त्यांचा चित्रपट २५ ऑगस्ट रोजी चित्रपटगृहात प्रदर्शित होणार आहे. चाहते त्याच्या चित्रपटाची आतुरतेने वाट पाहत आहेत.

Edited By - Nandkumar Joshi