Satish Shah Passes Away: खदखदून हसवणारा विनोदवीर रडवून गेला; प्रसिद्ध अभिनेत्याचे निधन, सिनेसृष्टीवर शोककळा

Satish Shah passes away : बॉलिवूड आणि टेलिव्हिजनमधील प्रसिद्ध अभिनेते सतीश शाह यांचे निधन झाले आहे. २५ ऑक्टोबर रोजी दुपारी २:३० वाजता त्यांनी अखेरचा श्वास घेतला. वृत्तानुसार, सतीश किडनीशी संबंधित आजाराने ग्रस्त होते. त्यांच्या मॅनेजर अभिनेत्याच्या मृत्यूची माहिती दिली. सतीश शाह यांचे अंत्यसंस्कार २६ ऑक्टोबर रोजी होणार आहेत. त्यांचे पार्थिव सध्या रुग्णालयात आहे.

७४ व्या वर्षी सतीश शाह यांनी अखेरचा श्वास घेतला. असरानी आणि पियुष पांडे यांच्या निधनाच्या बातमीतून बॉलीवूड सावरत होता तेव्हा सतीश यांच्या अचानक निधनाने इंडस्ट्रीला आणखी एक मोठा धक्का बसला. चित्रपट आणि टीव्ही इंडस्ट्री शोककळा पसरली आहे.

सतीश शाह यांनी त्यांच्या कारकिर्दीत असंख्य चित्रपटांमध्ये काम केले. पण, "साराभाई VS साराभाई" या टीव्ही शोमध्ये इंद्रवदन साराभाई, ज्याला इंदू म्हणूनही ओळखले जाते, या भूमिकेने त्यांना घराघरात लोकप्रिय केले. या कॉमेडी शोमध्ये सतीश यांचा अभिनय उल्लेखनीय होता. आजही या शोच्या क्लिप्स इंस्टाग्रामवर व्हायरल होतात.

सतीश यांचा जन्म मांडवी, गुजरात येथे झाला. झेवियर कॉलेजमध्ये शिक्षण घेतल्यानंतर त्यांनी फिल्म अँड टेलिव्हिजन इन्स्टिट्यूट ऑफ इंडियामध्ये शिक्षण घेतले. 1972 मध्ये सतीशने डिझायनर मधु शाहशी लग्न केले. कोविड-19 साथीच्या काळात, ते कोविड-19 संक्रमित झाले होते. सतीश शाह यांनी आपल्या करिअरची सुरुवात एका बॉलिवूड चित्रपटातून केली होती. ‘भगवान परशुराम’ हा त्यांचा पहिला चित्रपट होता. त्यानंतर तो "अरविंद देसाई की अजीब दास्तान," "गमन," "उमराव जान," "शक्ती," "जाने भी दो यारों," आणि "विक्रम बेताल" सारख्या चित्रपटांमध्ये दिसला.