टीव्ही अभिनेत्रीचा फोन नंबर लीक! विकृतांनी अश्लील कॉल, मेसेज करत केली शरीर सुखाची मागणी

समाजात आजकाल ऑनलाइन आर्थिक फसवणूक तसेच समाजमाध्यमांद्वारे लैंगिक छळाच्या घटना वाढत आहेत. छोट्या पडद्यावरील तेरा यार हूं मैं सीरियल फेम विभूती ठाकूर ही सायबर क्राइमची शिकार झाली आहे. काही दिवसांपूर्वी तिचा नंबर सोशल मिडिआवर लीक झाला होता. त्यानंतर काही लोकांनी तिच्याकडे शरीर सुखाची मागणी केली. हा धक्कादायक प्रकार समोर आल्यांनतर संपूर्ण प्रकरणावर भावुक होत तिने यावर भाष्य केले आहे.

‘तेरा यार हू मै’ या मालिकेतील अभिनेत्री विभूती ठाकूर ही सायबर बुलिंगची शिकार ठरली आहे. नुकतेच एका मुलाखतीत विभूतीने या संपूर्ण प्रकरणावर भाष्य केले आहे. ती म्हणाली, हे सर्व कसे घडले? नेमके काय झाले? याबाबत मला अजिबात माहिती नाही. तसेच हा नंबर कोणी लीक केला? याचीही मला माहिती नाही. पण हे सर्व फार वाईट आहे, असे म्हणत विभूती भावूक झाली.

तसेच याबद्दल तिने आपल्या इंस्टाग्रामवर देखील एक संदेश लिहिला आहे, विभूतीने लिहिले की, तिला मेसेज आणि कॉल येत आहेत, त्यामुळे तिने असे कृत्य करणाऱ्या इन्स्टा पेजविरुद्ध तक्रार करण्याचा निर्णय घेतला आहे. तिला मेसेज करणाऱ्या सर्व क्रमांकांवर कारवाई करण्यात येईल, असेही तिने लिहिले आहे. ते पेज शेअर करून तिने प्रत्येकाला या खात्याबाबत तक्रार करण्याची विनंती केली आहे.