Jennifer Mistry Allegations Video
Jennifer Mistry Allegations VideoSaam Tv

Jennifer Mistry Allegations Video: जेनिफर मेस्त्रीच्या आरोपांना निर्मात्याने फेटाळलं, अभिनेत्री थेट व्हिडीओच केला शेअर

Jennifer Mistry Bansiwal Allegations: मिसेस रोशन सिंग सोढी उर्फ जेनिफर मेस्त्री बंसीवालनं इंस्टाग्रामवर व्हिडीओ शेअर करत, लवकरच जगासमोर सत्य येईल असं म्हणत व्हिडीओ शेअर केला आहे.

TMKOC Actress Jennifer Mistry Bansiwal: ‘तारक मेहता का उल्टा चष्मा’ फेम जेनिफर मेस्त्री बंसीवालनं काल मालिकेच्या निर्मात्यांसह, प्रोजेक्ट मॅनेजर आणि एक्झिक्युटिव्ह प्रोड्युसरने लैंगिक छळाचा आरोप करत पोलिसांकडे लेखी तक्रार केली आहे. आता या प्रकरणावर मालिकेचे निर्माते असित कुमार मोदी यांनी प्रतिक्रिया दिली होती. त्यानंतर नुकतंच मिसेस रोशन सिंग सोढी उर्फ जेनिफर मेस्त्री बंसीवालनं सोशल मीडियाच्या माध्यमातून एक व्हिडीओ शेअर करत, लवकरच जगासमोर सत्य येईल असं म्हणत व्हिडीओ शेअर केला आहे.

Jennifer Mistry Allegations Video
Asit Kumar Modi's Reaction: जेनिफरने केलेल्या आरोपांवर असित मोदींची प्रतिक्रिया; म्हणाले, ‘शोमधून बाहेर काढलं म्हणून...’

जेनिफर मेस्त्रीने एका इंग्रजी संकेतस्थळाला दिलेल्या मुलाखतीत, मालिकेच्या निर्मात्यांवर लैंगिक शोषणाचा गंभीर आरोप केला होता. मालिका सोडल्याचं सांगत अभिनेत्रीनं सांगितलं की, अनेक गोष्टींना सहन करत आली असून त्याकडे दुर्लक्ष केलं कारण आपलं काम प्रामाणिकपणे करायचं होतं. जेनिफरने लावलेल्या आरोप चुकीचे ठरवत मालिकेचे प्रोजेक्ट म्हणतात, जेनिफर तिला मालिकेत परत घेण्यासाठी आम्हाला ब्लॅकमेल करत होती.

तारक मेहताच्या निर्मात्यांवर जेनिफरने लैंगिक शोषणाचा आरोप केल्यानंतर, नुकताच तिने आपल्या इन्स्टाग्रामवर एक व्हिडीओ पोस्ट केला आहे. त्या पोस्टमध्ये आपल्या आरोपांना खोटं ठरवणाऱ्यांना कवितेच्या माध्यमातून चोख प्रत्युत्तर दिलं आहे. मिसेस रोशन सिंग सोढी फेम जेनिफर मेस्त्री म्हणते, “मी शांत बसली म्हणजे, याला माझी कमजोरी समजू नका, मी गप्प होते, कारण मला उगाचच माझ्या कामाची प्रतारणा करायची नव्हती. देव सगळं पाहतोय, त्याला माहितीय खरं काय आहे ते, त्याच्या दरबारात तुझ्यात आणि माझ्यात काहीच फरक नाही.”

Jennifer Mistry Allegations Video
Vikram Vedha Released On OTT: घरबसल्या अनुभवता येणार हृतिकचा विक्रम-वेधा: कसा, कुठे आणि कधी घ्याल चित्रपटाचा आनंद?

जेनिफरने तिच्या ऑफिशियल अकाऊंटवर व्हिडीओ पोस्ट करत कॅप्शन दिले की, “सत्य लवकरच समोर येईल.न्याय मिळेल.” तिची ही पोस्ट पाहून तिच्या अनेक चाहत्यांनी तिला पाठिंबा दर्शवला आहे. तिच्या या पोस्टला समर्थन करत युजर्स म्हणतात, ‘तु फक्त लढ, आम्ही तुझ्यासोबत आहोत.’ तर आणखी युजर म्हणतो, ‘न्यायासाठी लढ..मागे हटू नकोस.’

‘तारक मेहता का उल्टा चष्मा’ फेम जेनिफर मेस्त्री बंसीवाल हिने केलेल्या लैंगिक शोषणाच्या आरोपाला खोटं ठरवत प्रोजेक्ट हेड सोहेल रमानीनं एका मुलाखतीत सांगितलं होतं, “मालिकेच्या प्रॉडक्शन हाऊसने जेनिफर सोबतचा करार रद्द केला होता, तीन महिने आधीच तिला मालिकेतून बाहेर काढण्यात आला होता. तिला कुठेच काम मिळत नसल्याने मालिकेत परत यायचं होतं.. म्हणून ती असं सगळं करतेय.. हा फक्त एक पब्लिसिटी स्टंट आहे.”

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com