Famous Actor : मातृछत्र हरपले! प्रसिद्ध अभिनेत्याच्या आईचे निधन, मनोरंजन विश्वात हळहळ

मनोरंजनसृष्टी शोकसागरात बुडाली. तमिळ सुपरस्टार अजित कुमार (Tamil actor Ajith Kumar) यांच्यावर दुःखाचा डोंगर कोसळला. त्यांची आई मोहिनी मणी (Mother Mohini Mani Death) यांचे निधन झाले आहे. वयाच्या 85 व्या वर्षी त्यांनी अखेरचा श्वास घेतला. अभिनेत्याच्या आईच्या निधनाची बातमी समजताच मनोरंजन विश्वावर शोककळा पसरली आहे. तसेच कलाकार आणि प्रेक्षकांनी श्रद्धांजली वाहिली आहे.

IANS च्या वृत्तानुसार , वयोमानानुसार उद्भवलेल्या आरोग्याच्या समस्यांमुळे चेन्नई येथे अजित कुमार यांच्या आईचे निधन झाले. असे बोले जाते की, आईच्या निधनाच्या दरम्यान अभिनेता प्रवासात (देशाबाहेर) होता, मात्र ही बातमी समजताच तो तातडीने घरी परतला. जवळपास दोन वर्षांपूर्वी अभिनेत्याचे वडील सुब्रमणी यांचेही निधन झाले. आता आईचे छत्र हरपल्यामुळे अभिनेत्यावर दुःखाचा डोंगर कोसळला आहे. मोहिनी यांचे चेन्नई येथील एका खाजगी रुग्णालयात निधन झाले.

गेल्या काही दिवसांपासून अजित कुमार दुबईमध्ये असल्याचे काही व्हिडिओ सोशल मीडियावर व्हायरल होत आहेत. मोहिनी यांच्यावर चेन्नईत अंत्यसंस्कार केले जाणार असल्याचे बोले जात आहे.

अजित कुमार यांचे करिअर

अजित कुमार यांनी आपल्या अभिनयाने चाहत्यांना वेड लावले आहे. अजित कुमार २०२५ मधील 'Vidaamuyarchi' आणि 'Good Bad Ugly' या चित्रपटांमध्ये अखेरचे दिसले.