Swara Bhaskar Pregnancy: कुणीतरी येणार गं! स्वरा-फहादच्या घरी पाळणा हलणार

Swara Bhaskar Share Her Baby Bump Photo: अभिनेत्री स्वर भास्कर आणि फहाद अहमद यांचे काहीच महिन्यांपूर्वी लग्नबंधनात अडकले. लग्नानंतर दोघांनी गुड न्यूज शेअर केली आहे. दोघेही लवकरच आई - बाबा होणार आहेत. स्वरा भास्करने सोशल मीडियावर पोस्ट करत ही गोड बातमी शेअर केली आहे.

स्वर भास्करने तिच्या सोशल मीडियावर नवरा फहादसोबतच काही फोटो शेअर केला आहे. या फोटोंमध्ये स्वरा फहाद एकमेकांच्या जवळ बसले आहेत. तसेच दोघेही स्वराच्या बेबी बंपकडे पाहत आहेत. (Latest Entertainment News)

स्वराने या फोटोंमध्ये पिंक कलरचा ड्रेस घातला आहे. या ड्रेसमध्ये तिचे बेबी बंप स्पष्टपणे दिसत आहे. फोटो शेअर करत स्वराने कॅप्शनमध्ये लिहिले आहे की, एका 'कधीकधी तुमच्या सर्व प्रार्थनांचे उत्तर एकत्र मिळते! धन्य, कृतज्ञ, आनंदी! आम्ही आता पूर्णपणे नवीन आणि अनोळखी जगात पाऊल ठेवत आहोत!'

यासह स्वराने या पोस्टमध्ये फहादला टॅग देखील केले आहे. तसेच ऑक्टोबर महिन्यात त्यांच्या घरी बाळाचे आगमन होणार असल्याचे सांगितले आहे.

स्वरा भास्कर आणि फहाद अहमद यांनी १६ फेब्रुवारीमध्ये कोर्टात लग्न केले होते. त्यानंतर स्वराने त्यांची लव्ह स्टोरी एका व्हिडिओच्या माध्यमातून शेअर केली होती.

मार्च २०२३ मध्ये दोघांनी धुमधडाक्यात लग्न केले. साखरपुडा, हळद, मेहेंदी, संगीत, रिसेप्शन असं पारंपरिक पद्धतीने दोघांनी लग्न केले. त्यांच्या लग्नाला राहुल गांधीसह अनेक दिग्गज राजकीय नेते उपस्थित होते.

स्वराच्या या पोस्टवर अनेक कमेंट येत आहेत. तिचे चाहते आणि बॉलिवूड सेलिब्रेटी स्वरा आणि फहादचे अभिनंदन करत आहेत.