Marathi Historical Serial: राजा शिवछत्रपतीसह 'या' मालिकांनी जिंकली प्रेक्षकांची मने...

Marathi Television Historical Serial: टेलिव्हिजन विश्वात नेहमीच वेगवेगळ्या आशयाचे आणि वेगवेगळ्या धाटणीचे विषय असलेल्या मालिका प्रेक्षकांच्या भेटीला येत असतात. गेल्या काही दिवसांपासून टेलिव्हिजनवर प्रेक्षकांच्या भेटीला काही ऐतिहासिक मालिका आल्या होत्या. प्रेक्षकांच्या समोर इतिहासात घडलेल्या विशेष घटना त्या मालिकेच्या माध्यमातून दाखवण्यात आल्या होत्या. अनेक मालिकांना प्रेक्षकांनी चांगला प्रतिसाद ही दिला होता. तर काही मालिका टीआरपीच्या अभावामुळे बंद देखील झाल्या. चला तर जाणून घेऊया ऐतिहासिक मालिकांबद्दल...

राजा शिवछत्रपती (Raja Shivchhatrapati)

राजा शिवछत्रपतींच्या जीवनावर आधारित असलेली ही मालिका स्टार प्रवाह या चॅनलवर प्रसारित होत होती. दृश्यांमध्ये असलेली रिॲलिटी, कथानकातील भारदस्तपणा प्रेक्षकांची मने जिंकत होता. ही मालिका २००८- ०९ मध्ये प्रेक्षकांच्या भेटीला येत होती.

उंच माझा झोका (Unch Majha Zoka)

रमाबाई रानडे यांच्या जीवनावर आधारित असलेली ‘उंच माझा झोका’ ही मालिका झी मराठीवर प्रदर्शित झाली होती. या मालिकेच्या टायटल साँगने प्रेक्षकांचे मन जिंकले.

स्वामिनी (Swamini)

रमाबाई आणि माधवराव पेशवे यांच्या जीवनावर आधारित असलेली ‘स्वामिनी’ ही मालिका २०१९-२०२० मध्ये प्रेक्षकांच्या भेटीला आली होती. मालिकेतील सर्वच कलाकारांच्या अभिनयाला प्रेक्षकांनी कामाची पोचपावती दिली होती.

स्वराज्यरक्षक संभाजी (Swarajyarakshak Sambhaji)

छत्रपती संभाजी महाराजांच्या आयुष्यावर बेतलेल्या ‘स्वराज्यरक्षक संभाजी’ या मालिकेत संभाजी महाराजांचे पात्र डॉ. अमोल कोल्हेंनी साकारले होते. ही मालिका झी मराठीवर प्रकाशित झाली होती.

लोकमान्य (Lokmanya)

बाळ गंगाधर टिळकांच्या आयुष्यावर आधारित असलेल्या ‘लोकमान्य’ या मालिकेत लोकमान्य टिळकांच्या भूमिकेत क्षितिज दातेने पात्र साकारले होते. ही मालिका झी मराठीवर या वाहिनीवर टेलिकास्ट होत होती.