Zapuk Zupuk Movie Box Office Collection : सूरजला मिळाला गुलीगत धोका, सहाव्या दिवशी कमाईत झाली मोठी घट

'बिग बॉस मराठी 5'चा विजेता सूरज चव्हाण (Suraj Chavan) सध्या त्याच्या 'झापुक झुपूक' (Zapuk Zupuk ) चित्रपटामुळे चांगलाच चर्चेत आहे. त्याला 'बिग बॉस' मुळे खूप लोकप्रियता मिळाली. सोशल मीडियावर रील्स बनवणारा सूरज आता मोठा पडदा गाजवत आहे. त्याचा 'झापुक झुपूक' चित्रपट 25 एप्रिल रिलीज झाला आहे. रिलीजच्या पहिल्या दिवसापासून 'झापुक झुपूक' च्या कलेक्शनमध्ये चढउतार पाहायला मिळत आहे. चित्रपटाचे सहाव्या दिवसाचे कलेक्शन (Zapuk Zupuk Movie Box Office Collection Day 6) जाणून घेऊयात.

'झापुक झुपूक' बॉक्स ऑफिस कलेक्शन दिवस 6

मीडिया रिपोर्टनुसार, सूरज चव्हाणच्या 'झापुक झुपूक' चित्रपटाने एकूण 1.19 कोटींचा व्यवसाय केला आहे. तर रिलीजच्या सहाव्या दिवशी 9 लाख रुपयांची कमाई केली आहे.

• दिवस पहिला - 24 लाख

• दिवस दुसरा - 24 लाख

• दिवस तिसरा - 19 लाख

• दिवस चौथा - 14 लाख

• दिवस पाचवा - 17 लाख

• दिवस सहावा - 9 लाख

• एकूण - 1.19 कोटी

'झापुक झुपूक' चित्रपटाचे दिग्दर्शन केदार शिंदे यांनी केले आहे. 'झापुक झुपूक' ही एक प्रेम कथा आहे. या चित्रपटात विनोद, प्रेम आणि भावनांचे उत्तम चित्रण केले आहे. चित्रपटाच्या गाण्यांनी तर सोशल मीडियावर धुमाकूळ घातला आहे. सूरजसोबत चित्रपटात अनेक मराठी कलाकार पाहायला मिळत आहे. यांच्यात जुई भागवत, इंद्रनील कामत, हेमंत फरांदे, मिलिंद गवळी, दीपाली पानसरे या कलाकारांचा समावेश आहे.