Border 2: सनी देओलच्या 'बॉर्डर २'ची क्रेझ न्यारी; आधी पोस्टरवर हार घातला, नंतर दूधाचा अभिषेक केला, पाहा VIDEO

Border 2: सनी देओल, वरुण धवन, अहान शेट्टी आणि दिलजीत दोसांझ यांची प्रमुख भूमिका असलेला "बॉर्डर २" हा चित्रपट २३ जानेवारी रोजी चित्रपटगृहात प्रदर्शित झाला. या चित्रपटाने बॉक्स ऑफिसवर जोरदार सुरुवात केली आहे. प्रेक्षकांनाही पहिल्या दिवसापासून गर्दी करायला सुरुवात केली आहे. लोक ट्रॅक्टरवर चित्रपटाचे पोस्टर लावून तिकिटे खरेदी करत आहेत. सनी देओलच्या चाहत्यांचा क्रेझ वेगळ्याच पातळीवर आहे. एक व्हिडिओ समोर आला आहे यामध्ये एका चाहत्याने "बॉर्डर २" मधील सनी देओलच्या पोस्टरवर दूधाने अभिषेक घातला आहे.

सनी देओलच्या पोस्टरवर दूधाने अभिषेक

'बॉर्डर २' प्रदर्शित झाल्यानंतर, सनी देओलचे चाहते वेडे झाले आहेत. काही जण त्याच्या लूकप्रमाणे कपडे घालून थिएटरमध्ये येत आहेत, तर काही जण आनंदाने नाचत आहेत. सोशल मीडियावर एक व्हिडिओ समोर आला आहे. यामध्ये एक चाहता 'बॉर्डर २' मधील सनी देओलच्या पोस्टरला हार घालताना दिसत आहे. त्यानंतर तो अभिनेत्याच्या पोस्टरला दुधाने अभिषेक घालताना दिसत आहे. दरम्यान, थिएटरबाहेर एक महिला प्रेक्षक नाचताना दिसली. लोक हातात तिरंगा घेऊन चित्रपटाचा पाहायला जात आहेत.

प्रेक्षक ट्रॅक्टरवरून तिकिटे बुक करण्यासाठी आले

एका व्हिडिओमध्ये सनी देओलचे चाहते ट्रॅक्टरवरून तिकिटे बुक करण्यासाठी येत आहेत. त्यांनी त्यावर चित्रपटाचे पोस्टर लावले आहेत.याव्यतिरिक्त, काही लोक 'बॉर्डर २' चे पोस्टर हातात घेऊन फिरताना दिसले. मुलांपासून ते मोठ्यांपर्यंत सर्वांमध्ये ही क्रेझ आहे.

"बॉर्डर २" चे बॉक्स ऑफिस कलेक्शन

"बॉर्डर २" हा चित्रपट १९९७ मध्ये प्रदर्शित झालेल्या "बॉर्डर" चा सिक्वेल आहे. चित्रपटाच्या कलेक्शनच्या बाबतीत, त्याची सुरुवात चांगली झाली आहे. या चित्रपटाने शुक्रवारी पहिल्या दिवशी ३० कोटी रुपये कमावले, पहिल्या दिवशी २८ कोटी रुपये कमावणाऱ्या 'धुरंधर' ला मागे टाकले आहे.