Sitaare Zameen Par Collection : आमिर खानचा 'सितारे जमीन पर' बॉक्स ऑफिसवर सुसाट, ६ दिवसांत जमवला तब्बल 'इतक्या' कोटींचा गल्ला

'सितारे जमीन पर' हा चित्रपट 2007 साली रिलीज झालेल्या 'तारे जमीन पर' चित्रपटाचा सीक्वल आहे. चित्रपटात मुख्य भूमिकेत आमिर खान पाहायला मिळत आहे. त्याच्यासोबत बॉलिवूड अभिनेत्री जिनिलिया झळकली आहे. 'सितारे जमीन पर' चित्रपट 20 जूनला रिलीज झाला आहे. चित्रपटाने 6 दिवसांत किती कोटींचा गल्ला जमावला जाणून घेऊयात.

'सितारे जमीन पर' बॉक्स ऑफिस कलेक्शन दिवस 6

• दिवस पहिला - 10.7 कोटी रुपये

• दिवस दुसरा - 21.50 कोटी रुपये

• तिसरा दिवस - 29.00 कोटी रुपये

• चौथा दिवस - 8.5 कोटी रुपये

• पाचवा दिवस - 8.50 कोटी रुपये

• सहावा दिवस - 7.25 कोटी रुपये

• एकूण - 82.4 कोटी रुपये

सहा दिवसांत 'सितारे जमीन पर' चित्रपटाने 80 कोटींच्यावर कमाई केली आहे. आता चित्रपट लवकरच 100 कोटींचा टप्पा पार करणार आहे. आमिर खान आणि जिनिलियाच्या जोडीला प्रेक्षकांकडून खूप प्रेम मिळत आहे. चित्रपटाची कथा प्रेक्षकांच्या मनाला भावली आहे. 'सितारे जमीन पर' वीकेंडला किती कोटींची कमाई करतो, हे पाहणे महत्त्वाचे ठरणार आहे.

'सितारे जमीन पर' स्टारकास्ट

'सितारे जमीन पर'चित्रपटात 10 नवीन कलाकार पाहायला मिळत आहे. त्यांचा अभिनय चाहत्यांना खूप आवडला आहे. या कलाकारांमध्ये अरूष दत्ता, गोपी कृष्ण वर्मा, संवित देसाई, वेदांत शर्मा, आयुष भंसाली, आशीष पेंडसे, ऋषी शहानी, ऋषभ जैन, नमन मिश्रा आणि सिमरन मंगेशकर यांचा समावेश आहे.

'सितारे जमीन पर' चित्रपटात आमिर खान एका बास्केटबॉल कोचच्या भूमिकेत दिसत आहे. जो दिव्यांग मुलांना बास्केटबॉल शिकवत आहे. 'सितारे जमीन पर' चित्रपटाचे दिग्दर्शन आर.एस. प्रसन्ना यांनी केले.