Singham Again Vs Bhool Bhulaiyaa 3: रूह बाबा की सिंघम, बॉक्स ऑफिसवर कोणाचा डंका? छप्परफाड कमाईचा दावेदार कोण?

दिवाळीच्या शुभ मुहूर्तावर बॉलिवूडचे दोन चित्रपट प्रेक्षकांच्या भेटीला आले. रूह बाबा विरुद्ध सिंघम असा सामना बॉक्स ऑफिसवर रंगला आहे. ॲक्शन चित्रपट 'सिंघम अगेन' (Singham Again) आणि हॉरर कॉमेडी चित्रपट 'भूल भुलैया 3' ( Bhool Bhulaiyaa ) काल (1 नोव्हेंबर) रोजी प्रेक्षकांच्या भेटीला आला. प्रेक्षक या दोन्ही चित्रपटांसाठी उत्सुक होते. या दोन्ही चित्रपटाचे प्री-बुकिंगही जोरदार झाले होते. या दोन्ही चित्रपटांचे बॉक्स ऑफिस कलेक्शन (Box Office Collection) जाणून घेऊयात.

'सिंघम अगेन'ने किती कमावले?

रोहित शेट्टीचा सुपर ॲक्शन चित्रपट 'सिंघम अगेन' प्रेक्षकांच्या खूप पसंतीस उतरला आहे. 'सिंघम अगेन'मध्ये खूप तगडे कलाकार पाहायला मिळत आहेत. अजय देवगण (Ajay Devgn) , रणवीर सिंग, दीपिका पदुकोण, करीना कपूर, टायगर श्रॉफ आणि अर्जून कपूर हे कलाकारांनी आपल्या अॅक्शनने 'सिंघम अगेन' गाजवला आहे. 'सिंघम अगेन' मध्ये चुलबुल पांडे म्हणजे सलमान खानचा कॅमिओ आहे. मीडिया रिपोर्टनुसार,'सिंघम अगेन' ने रिलीजच्या पहिल्या दिवशी 43.50 कोटी रुपयांची कामाई केली आहे.

'भूल भुलैया 3'ने किती कमावले?

'भूल भुलैया 3' हा हॉरर कॉमेडी चित्रपट आहे. भुलैयाचा हा तिसरा भाग आहे. या चित्रपटात कार्तिक आर्यन (Kartik Aaryan) , विद्या बालन, तृप्ती डिमरी आणि माधुरी दीक्षित हे मुख्य भूमिकेत पाहायला मिळत आहेत. विद्या बालन या चित्रपटात मंजुलिकाच्या भूमिकेत पाहायला मिळत आहे. कार्तिक आर्यनचे रूह बाबा हे पात्र प्रेक्षकांना खूप आवडले आहे. मीडिया रिपोर्टनुसार, 'भूल भुलैया 3'ने रिलीजच्या पहिल्या दिवशी 35.50 कोटी रुपयांची कामाई केली आहे.

बॉक्स ऑफिसवर कोणाचा डंका?

'भूल भुलैया 3' आणि 'सिंघम अगेन' यांमध्ये पहिल्या दिवशी 'सिंघम अगेन' बाजी मारली आहे. बॉक्स ऑफिसवर सिंघमचा डंका पाहायला मिळत आहे. 'सिंघम अगेन'ने 43.50 कोटी पहिल्या दिवशी कमावले तर 'भूल भुलैया 3'ने 35.50 कोटी कमावले आहेत. सिंघम अगेनने भूल भुलैया 3ला तब्बल 8 कोटींनी मागे टाकले आहे.